സീതാപൂർ: ഉത്തർപ്രദേശിലെ സീതാപൂർ ജില്ലയിൽ ഭക്ഷണമേശയിലുണ്ടായ നിസ്സാര തർക്കത്തെത്തുടർന്ന് യുവാവ് സ്വന്തം സഹോദരങ്ങളെയും ഭാര്യാസഹോദരിയെയും ക്രൂരമായി കുത്തിവീഴ്ത്തി (Sitapur Double Murder). നൈമിശാരണ്യ പോലീസ് സ്റ്റേഷൻ പരിധിയിലെ താക്കൂർപൂർവ ഗ്രാമത്തിൽ ബുധനാഴ്ച രാത്രിയാണ് സംഭവം നടന്നത്. ആക്രമണത്തിൽ മൂത്ത സഹോദരൻ ഹരീഷ് (40), ഭാര്യ പൂനം എന്നിവർ കൊല്ലപ്പെട്ടു. മറ്റൊരു സഹോദരനായ രാമു ഗുരുതരാവസ്ഥയിൽ ചികിത്സയിലാണ്.
കുടുംബമായി കഴിഞ്ഞിരുന്ന ഇവർ രാത്രി ഭക്ഷണം കഴിക്കുന്നതിനിടെയാണ് തർക്കമുണ്ടായത്. പ്രകോപിതനായ ശ്യാമു (37) മൂർച്ചയുള്ള ആയുധമെടുത്ത് സഹോദരങ്ങളെയും തടയാൻ വന്ന പൂനത്തിനെയും ആക്രമിക്കുകയായിരുന്നു. ആശുപത്രിയിൽ എത്തിച്ചപ്പോഴേക്കും പൂനം മരണപ്പെട്ടിരുന്നു. ഹരീഷ് ചികിത്സയ്ക്കിടെയാണ് മരിച്ചത്. കൃത്യത്തിന് ശേഷം ഒളിവിൽ പോയ ശ്യാമുവിനായി പോലീസ് തിരച്ചിൽ ഊർജ്ജിതമാക്കിയിട്ടുണ്ട്. മൃതദേഹങ്ങൾ പോസ്റ്റ്മോർട്ടത്തിന് അയച്ചതായും പ്രതിയെ ഉടൻ പിടികൂടുമെന്നും അഡീഷണൽ സൂപ്രണ്ട് ഓഫ് പോലീസ് ദുർഗേഷ് സിംഗ് അറിയിച്ചു.
Summary: A trivial dispute during dinner led to a double murder in Uttar Pradesh’s Sitapur district. A man named Shyamu allegedly stabbed his two brothers and his sister-in-law, resulting in the deaths of his elder brother and his wife, while the younger brother remains in critical condition.
