ചെന്നൈ: തമിഴ് മണ്ണിൽ പുതിയ രാഷ്ട്രീയ ചരിത്രമെഴുതി തമിഴക വെട്രി കഴകം (TVK) അധ്യക്ഷൻ വിജയ് ഇന്ന് മുഖ്യമന്ത്രിയായി സത്യപ്രതിജ്ഞ ചെയ്യും. ചെന്നൈ നെഹ്റു സ്റ്റേഡിയത്തിൽ രാവിലെ 10 മണിക്ക് നടക്കുന്ന വിപുലമായ ചടങ്ങിൽ ഗവർണർ രാജേന്ദ്ര ആർലേക്കർ സത്യവാചകം ചൊല്ലിക്കൊടുക്കും. 120 എംഎൽഎമാരുടെ പിന്തുണയോടെയാണ് വിജയ് സർക്കാർ രൂപീകരിക്കുന്നത്.(Vijay Swearing In Ceremony, Superstar Vijay To Be Sworn In As Tamil Nadu CM Today In Chennai)
മുഖ്യമന്ത്രിക്കൊപ്പം 9 മന്ത്രിമാരും ഇന്ന് ചുമതലയേൽക്കും. വിജയ്യുടെ കുടുംബാംഗങ്ങൾക്കും ടിവികെ പ്രവർത്തകർക്കും പുറമെ തെന്നിന്ത്യൻ സിനിമയിലെ പ്രമുഖ താരങ്ങളും സത്യപ്രതിജ്ഞാ ചടങ്ങിൽ പങ്കെടുക്കാൻ സ്റ്റേഡിയത്തിലെത്തിയിട്ടുണ്ട്. കോൺഗ്രസ് നേതാവ് രാഹുൽ ഗാന്ധിയുടെ സാന്നിധ്യം ചടങ്ങിന്റെ രാഷ്ട്രീയ പ്രാധാന്യം വർദ്ധിപ്പിക്കുന്നു.
വിജയ് പുറത്തിറക്കിയ ആദ്യ മന്ത്രിസഭാ പട്ടികയിൽ യുവത്വത്തിന് വലിയ മുൻഗണനയാണ് നൽകിയിരിക്കുന്നത്. 29-കാരിയായ സെൽവി എസ്. കീർത്തനയാണ് മന്ത്രിസഭയിലെ ഏക വനിത. തമിഴ്നാട് ചരിത്രത്തിലെ തന്നെ ഏറ്റവും പ്രായം കുറഞ്ഞ മന്ത്രിമാരിൽ ഒരാളാകും കീർത്തന. ശിവകാശിയിൽ നിന്നുള്ള എംഎൽഎയായ കീർത്തന മുൻപ് പൊളിറ്റിക്കൽ കൺസൾട്ടന്റായി പ്രവർത്തിച്ചിരുന്നു. ടിവികെയുടെ ഏറ്റവും പ്രായം കുറഞ്ഞ വനിതാ എംഎൽഎയും കീർത്തനയാണ്.
Story Summary
Tamil superstar Vijay is set to be sworn in as the Chief Minister of Tamil Nadu today with the support of 120 MLAs. The 9-member cabinet includes 29-year-old Selvi S. Keerthana, the youngest minister, while Congress ministers will join after the upcoming floor test.
