ചെന്നൈ: തമിഴ്നാട് രാഷ്ട്രീയത്തിൽ അട്ടിമറി വിജയം കരസ്ഥമാക്കി ഏറ്റവും വലിയ ഒറ്റകക്ഷിയായി മാറിയ വിജയിയുടെ തമിഴക വെട്രി കഴകത്തെ പ്രശംസകൊണ്ട് മൂടി ഇന്ത്യൻ ഓഫ് സ്പിന്നർ രവിചന്ദ്രൻ അശ്വിൻ (Ravichandran Ashwin Ashwin Vijay). തിരഞ്ഞെടുപ്പ് ഫലത്തിന് പിന്നാലെ തന്റെ സോഷ്യൽ മീഡിയ പേജിലൂടെയാണ് അശ്വിൻ തമിഴ് മണ്ണിലെ ഈ രാഷ്ട്രീയ മാറ്റത്തെ ‘അവിശ്വസനീയമായ നേട്ടം’ (Fabulous Result) എന്ന് വിശേഷിപ്പിച്ചത്.
ഒരു രാഷ്ട്രീയ പാർട്ടി രൂപീകരിച്ച് തന്റെ ആദ്യ തിരഞ്ഞെടുപ്പിൽ തന്നെ നൂറിലധികം സീറ്റുകൾ നേടി മുന്നേറുന്നത് ചെറിയ കാര്യമല്ലെന്ന് അശ്വിൻ കുറിച്ചു. തമിഴ്നാട്ടിലെ ജനങ്ങൾ മാറ്റം ആഗ്രഹിക്കുന്നു എന്നതിന്റെ തെളിവാണ് ഈ ജനവിധിയെന്നും താരം സൂചിപ്പിച്ചു.
ക്രിക്കറ്റ് മൈതാനത്തെ തന്ത്രശാലിയായ താരം രാഷ്ട്രീയത്തിലെ ഈ പുതിയ തരംഗത്തെ പിന്തുണച്ച് രംഗത്തെത്തിയത് കായിക-രാഷ്ട്രീയ വൃത്തങ്ങളിൽ വലിയ ചർച്ചയായിട്ടുണ്ട്. തമിഴ്നാട് തിരഞ്ഞെടുപ്പ് ഫലം പുറത്തുവന്നതിന് പിന്നാലെ സിനിമാ താരങ്ങൾക്ക് പുറമെ കായിക രംഗത്തെ പ്രമുഖരും വിജയിക്ക് ആശംസകളുമായി എത്തുന്നത് പാർട്ടിയുടെ സ്വീകാര്യത വർദ്ധിപ്പിക്കുന്നു.
Story Summary: Indian cricketer Ravichandran Ashwin congratulated Thalapathy Vijay as his party, TVK, emerged as the single largest party in the 2026 Tamil Nadu Assembly Elections. Ashwin described the victory as a “fabulous result” for the new political force in the state.
