വാഷിംഗ്ടൺ ഡിസി: അമേരിക്കയിലെ കാൻസസിലുണ്ടായ ശക്തമായ വെള്ളപ്പൊക്കത്തിൽ കാർ ഒഴുക്കിൽപ്പെട്ട് ഇന്ത്യൻ ഐടി പ്രൊഫഷണലായ വെങ്കിടേഷ് ദൊപ്പലപ്പുടി (33) മരിച്ചു (Kansas Floods). ഇദ്ദേഹം ആന്ധ്രാപ്രദേശ് സ്വദേശിയാണെന്നാണ് പ്രാഥമികമായി ലഭിച്ചിരുന്ന വിവരമെങ്കിലും പിന്നീട് കേരള സ്വദേശിയാണെന്ന് സ്ഥിരീകരിച്ചു.
അമേരിക്കയിലെ നെബ്രാസ്കയിലുള്ള ഒമാഹയിലാണ് വെങ്കിടേഷ് സ്ഥിരതാമസമാക്കിയിരുന്നത്. കനത്ത മഴയെത്തുടർന്ന് കാൻസസ് മേഖലയിൽ പെട്ടെന്നുണ്ടായ മിന്നൽ പ്രളയത്തിലാണ് ഇദ്ദേഹം സഞ്ചരിച്ചിരുന്ന വാഹനം അകപ്പെട്ടത്. കഴിഞ്ഞ ശനിയാഴ്ച ഉച്ചയ്ക്ക് ശേഷം ഹൂസ്റ്റണിൽ നിന്നും സ്വന്തം താമസസ്ഥലത്തേക്ക് കാറോടിച്ച് മടങ്ങുന്നതിനിടെയായിരുന്നു ദാരുണമായ ഈ അപകടം സംഭവിച്ചത്.
റോഡിൽ രൂപപ്പെട്ട ശക്തമായ വെള്ളപ്പാച്ചിലിൽ പെട്ട് വെങ്കിടേഷ് സഞ്ചരിച്ചിരുന്ന കാർ നിയന്ത്രണം വിട്ട് ഒഴുക്കിൽപ്പെടുകയായിരുന്നു. തുടർന്ന് രക്ഷാപ്രവർത്തകർ നടത്തിയ തിരച്ചിലിലാണ് ഇദ്ദേഹത്തെ മരിച്ച നിലയിൽ കണ്ടെത്തിയത്. മൃതദേഹം നിലവിൽ പ്രാദേശിക ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. തുടർനടപടികൾ പൂർത്തിയാക്കി മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുന്നതായി യുഎസിലെ പ്രവാസി സംഘടനകളും ഇന്ത്യൻ എംബസി അധികൃതരും അറിയിച്ചു.
Story Summary:
Venkatesh Doppalapudi, a 33-year-old Indian IT professional residing in Omaha, Nebraska, died after his car was swept away in a flash flood in Kansas, USA. The accident occurred on Saturday afternoon while he was driving back from Houston.
