ബ്രസൽസ്: യുക്രൈനിലെ കുട്ടികളെ നിയമവിരുദ്ധമായി റഷ്യയിലേക്ക് നാടുകടത്തുകയും അവരെ റഷ്യൻ പ്രത്യയശാസ്ത്രങ്ങൾ പഠിപ്പിക്കാൻ ശ്രമിക്കുകയും ചെയ്യുന്നു എന്നാരോപിച്ച് റഷ്യൻ സ്ഥാപനങ്ങൾക്കും ഉദ്യോഗസ്ഥർക്കും എതിരെ യൂറോപ്യൻ യൂണിയനും ബ്രിട്ടനും ഉപരോധം ഏർപ്പെടുത്തി. തിങ്കളാഴ്ചയാണ് ഇരു വിഭാഗവും തങ്ങളുടെ ഉപരോധ പട്ടിക പുറത്തുവിട്ടത്. (Ukrainian Children Deportation)
23 സർക്കാർ സ്ഥാപനങ്ങൾക്കും വ്യക്തികൾക്കും എതിരെ യൂറോപ്യൻ യൂണിയൻ നടപടി സ്വീകരിച്ചപ്പോൾ, ബ്രിട്ടൻ 85 വ്യക്തികളെയും സ്ഥാപനങ്ങളെയും പട്ടികയിൽ ഉൾപ്പെടുത്തി. ഇതിൽ ഭൂരിഭാഗവും കുട്ടികളെ നിർബന്ധിതമായി നാടുകടത്തുന്നതിനും സൈനികവൽക്കരിക്കുന്നതിനും പിന്നിൽ പ്രവർത്തിച്ചവരാണ്. 2022 ഫെബ്രുവരിയിൽ അധിനിവേശം ആരംഭിച്ചതിനുശേഷം ഏകദേശം 20,500 യുക്രൈൻ കുട്ടികളെ റഷ്യ നിർബന്ധിതമായി മാറ്റിപ്പാർപ്പിച്ചതായി യൂറോപ്യൻ യൂണിയൻ പ്രസ്താവനയിൽ പറഞ്ഞു. ഇത് അന്താരാഷ്ട്ര നിയമങ്ങളുടെ കടുത്ത ലംഘനമാണെന്ന് ഇയു വിശേഷിപ്പിച്ചു.
റഷ്യൻ അനുകൂല പ്രത്യയശാസ്ത്രങ്ങൾ കുട്ടികളിൽ അടിച്ചേൽപ്പിക്കാൻ ശ്രമിക്കുന്ന ‘വാരിയർ സെന്റർ’ പോലുള്ള സ്ഥാപനങ്ങളെയും ലുഹാൻസ്ക് മേഖലയിലെ റഷ്യൻ അനുകൂല മന്ത്രിമാരെയുമാണ് പ്രധാനമായും ലക്ഷ്യമിടുന്നത്.കുട്ടികളെ സംരക്ഷിക്കാനാണ് യുദ്ധമേഖലയിൽ നിന്ന് മാറ്റിയതെന്നാണ് റഷ്യയുടെ വാദം. ബന്ധുക്കൾ തെളിവുകളുമായി എത്തിയാൽ കുട്ടികളെ വിട്ടുകൊടുക്കാൻ തയ്യാറാണെന്നും മോസ്കോ അവകാശപ്പെടുന്നു.
റഷ്യൻ പ്രസിഡന്റ് വ്ളാഡിമിർ പുടിനെതിരെ കുട്ടികളെ നാടുകടത്തിയതുമായി ബന്ധപ്പെട്ട് അന്താരാഷ്ട്ര ക്രിമിനൽ കോടതി നേരത്തെ അറസ്റ്റ് വാറണ്ട് പുറപ്പെടുവിച്ചിരുന്നു. യുക്രൈന്റെ ഭാവി ഇല്ലാതാക്കാനുള്ള ആസൂത്രിതമായ നീക്കമാണ് റഷ്യ നടത്തുന്നതെന്ന് യൂറോപ്യൻ യൂണിയൻ വിദേശനയ മേധാവി കാജ കല്ലാസ് പറഞ്ഞു.
Summary: The EU and UK have imposed sanctions on Russian institutions and officials for the systematic deportation and indoctrination of over 20,500 Ukrainian children. The measures target those involved in pro-Russian ideological education and military training for children. While Russia claims it moved children for their safety, Weste
