ടോക്കിയോ: സോഷ്യൽ മീഡിയയിലെ സൂപ്പർതാരമായ ‘പഞ്ച്’ എന്ന കുട്ടി കുരങ്ങിന്റെ കൂട്ടിലേക്ക് അതിക്രമിച്ചു കയറിയ രണ്ട് അമേരിക്കൻ സ്വദേശികളെ ജപ്പാൻ പോലീസ് അറസ്റ്റ് ചെയ്തു. ടോക്കിയോയുടെ പ്രാന്തപ്രദേശമായ ചിബയിലെ ഇച്ചിക്കാവ സിറ്റി മൃഗശാലയിലാണ് വിചിത്രമായ ഈ സംഭവം അരങ്ങേറിയത്. കൂട്ടിലേക്ക് വേലി ചാടിക്കടന്ന റെയ്ഡ് ജഹാനായി ഡേയ്സൺ (24), ഇതിന്റെ ദൃശ്യങ്ങൾ മൊബൈലിൽ പകർത്തിയ നീൽ ജബാരി ഡുവാൻ (27) എന്നിവരാണ് പിടിയിലായത്.(Two American Tourists Arrested In Japan For Trespassing Into Viral Baby Monkey Enclosure)
അറസ്റ്റിലായ ഡേയ്സൺ നീല സ്യൂട്ടും മുഖത്ത് ചിരിക്കുന്ന ഇമോജിയുടെ മാസ്കും ധരിച്ചാണ് കുരങ്ങുകളുടെ കൂട്ടിലേക്ക് ചാടിയിറങ്ങിയത്. വിചിത്രമായ ഇമോജി വേഷമായിരുന്നു ഇത്. ഇയാളുടെ കൈയിൽ ഒരു പാവയും ഉണ്ടായിരുന്നതായി മാധ്യമങ്ങൾ റിപ്പോർട്ട് ചെയ്യുന്നു. എന്നാൽ മൃഗശാലയിലെ സുരക്ഷാ ജീവനക്കാർ ഉടൻ തന്നെ ഇടപെട്ട് ഇവരെ തടഞ്ഞതിനാൽ ‘പഞ്ചിനോ’ മറ്റ് കുരങ്ങുകൾക്കോ പരിക്കേൽക്കുകയോ യുവാക്കൾ ഇവരുമായി സമ്പർക്കത്തിൽ വരികയോ ചെയ്തില്ല.
An unidentified man breached the enclosure today, triggering chaos and panic throughout the troop. Alarm barks echoed across the zoo as Punch and his troop scattered in fear, climbing, screaming, and fleeing for safety. Zookeeper rushed to respond as stunned visitors watched in… pic.twitter.com/zUItUjxhnk
— Human Owned by Cat 😺 (@Petswithaura) May 17, 2026
ബോധപൂർവ്വം അതിക്രമം നടത്തി എന്ന കുറ്റമാണ് ഇവർക്കെതിരെ ചുമത്തിയിട്ടുള്ളത്. എന്നാൽ യുവാക്കൾ ഇരുവരും കുറ്റം നിഷേധിച്ചിട്ടുണ്ട്. സംഭവം വിവാദമായതിന് പിന്നാലെ ഇച്ചിക്കാവ സിറ്റി മൃഗശാല അധികൃതർ എക്സ് പ്ലാറ്റ്ഫോമിലൂടെ ഔദ്യോഗിക പ്രതികരണം നടത്തി. മൃഗശാലയിലെ ജീവികൾക്കൊന്നും യാതൊരുവിധ ആരോഗ്യപ്രശ്നങ്ങളോ അസ്വാഭാവികതയോ നിലവിലില്ല. അതിക്രമം നടത്തിയവർക്കെതിരെ ഇച്ചിക്കാവ പോലീസ് സ്റ്റേഷനിൽ പരാതി നൽകിയിട്ടുണ്ട്. വരും ദിവസങ്ങളിൽ മൃഗങ്ങളുടെ സുരക്ഷയ്ക്ക് കൂടുതൽ മുൻഗണന നൽകിക്കൊണ്ട് ശക്തമായ സുരക്ഷാ മുൻകരുതലുകൾ സ്വീകരിക്കുമെന്നും ഇവർ കൂട്ടിച്ചേർത്തു.
കഴിഞ്ഞ ഫെബ്രുവരിയിലാണ് ‘പഞ്ച്’ എന്ന കുട്ടി മക്കാക് കുരങ്ങ് അന്താരാഷ്ട്ര തലത്തിൽ ഇന്റർനെറ്റ് സെൻസേഷനായി മാറിയത്. ജനിച്ച് വീണതിന് പിന്നാലെ പഞ്ചിനെ അമ്മ കുരങ്ങ് ഉപേക്ഷിച്ചിരുന്നു. തുടർന്ന് കൂട്ടിലെ മറ്റ് കുരങ്ങുകൾക്കൊപ്പം ജീവിക്കാൻ പഞ്ച് ശ്രമിച്ചെങ്കിലും അവയെല്ലാം ഈ കുഞ്ഞിനെ ക്രൂരമായി ഉപദ്രവിക്കുകയോ ഒറ്റപ്പെടുത്തുകയോ ആണ് ചെയ്തത്. പഞ്ച് കടുത്ത മാനസിക സങ്കടത്തിലായതോടെ മൃഗശാലയിലെ ഒരു ജീവനക്കാരൻ അവന് കളിക്കാനും പേശീബലം കൂട്ടാനുമായി ഒരു വലിയ ഒറംഗുട്ടാൻ പാവയെ സമ്മാനമായി നൽകി. ഈ പാവയെ കെട്ടിപ്പിടിച്ചു കിടക്കുന്ന പഞ്ചിന്റെ ചിത്രങ്ങൾ മൃഗശാല പങ്കുവെച്ചതോടെയാണ് ലോകമെമ്പാടുമുള്ള ദശലക്ഷക്കണക്കിന് ആളുകൾ ഈ കുഞ്ഞിന്റെ ആരാധകരായത്.
Story Summary
Two American men were arrested in Japan after one broke into the enclosure of ‘Punch’, a viral baby monkey at the Ichikawa City Zoo, while the other filmed it. The zoo confirmed that all animals are safe and unharmed, and a formal police complaint has been registered against the intruders for forcible obstruction of business.
