വാഷിംഗ്ടൺ: ഇറാനുമായി അമേരിക്ക സജീവമായ ചർച്ചകളിലാണെന്ന് പ്രസിഡന്റ് ഡൊണാൾഡ് ട്രംപ്. അറബിക്കടലിൽ വെച്ച് ഇറാനിയൻ ഡ്രോൺ യുഎസ് സേന തകർത്തതിന് പിന്നാലെയാണ് സമാധാന ചർച്ചകൾ പുരോഗമിക്കുന്നതായി ട്രംപ് അറിയിച്ചത്. മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.(They wouldn’t want another Operation Midnight Hammer, Trump says talks with Iran after military action)
മുമ്പ് ഇറാനിലെ ആണവകേന്ദ്രങ്ങളെ തകർത്ത ‘ഓപ്പറേഷൻ മിഡ്നൈറ്റ് ഹാമർ’ പോലെയുള്ള മറ്റൊരു ശക്തമായ സൈനിക നടപടി ഇറാൻ ആഗ്രഹിക്കുന്നില്ലെന്ന് ട്രംപ് പറഞ്ഞു. ചർച്ചകൾ നടക്കുകയാണ്. അവർക്ക് ചർച്ചകൾ വേണം, തങ്ങൾ അതിനായി തയ്യാറാണ് എന്നും ട്രംപ് വ്യക്തമാക്കി.
യുഎസ്എസ് എബ്രഹാം ലിങ്കൺ എന്ന വിമാനവാഹിനിക്കപ്പലിന് നേരെ ആക്രമണ ലക്ഷ്യത്തോടെ വന്ന ഇറാനിയൻ ഷാഹിദ്-139 ഡ്രോൺ യുഎസ് എഫ്-35സി യുദ്ധവിമാനം ഉപയോഗിച്ച് വെടിവെച്ചു വീഴ്ത്തിയിരുന്നു. ഇതിന് പിന്നാലെ ഹോർമുസ് കടലിടുക്കിൽ യുഎസ് പതാകയുള്ള ടാങ്കറിനെ ഇറാൻ ഗൺബോട്ടുകൾ ഭീഷണിപ്പെടുത്തിയതായും റിപ്പോർട്ടുകളുണ്ട്.
