സാൻ ഫ്രാൻസിസ്കോ: ആർട്ടിഫിഷ്യൽ ഇന്റലിജൻസിന്റെ വരവോടെ സാങ്കേതിക മേഖലയിലെ ജീവനക്കാർ നേരിടുന്ന ജോലിസാധ്യതയുമായി ബന്ധപ്പെട്ട ആശങ്കകൾ വർദ്ധിപ്പിച്ചുകൊണ്ട് മെറ്റയിലെ കൂട്ടപ്പിരിച്ചുവിടൽ വാർത്തകൾ സോഷ്യൽ മീഡിയയിൽ വൈറലാകുന്നു (Meta Layoffs AI Native Pods Reorganization). കമ്പനിയിൽ നിന്ന് പിരിച്ചുവിടപ്പെട്ട ഒരു ജീവനക്കാരി, തന്റെ ജോലി നഷ്ടപ്പെടുന്നതിന് കാരണമായ ആഭ്യന്തര AI ടൂൾ വികസിപ്പിക്കാൻ മാസങ്ങളോളം നേതൃത്വം നൽകിയിരുന്നു എന്ന വെളിപ്പെടുത്തലാണ് ഇപ്പോൾ എക്സിൽ ചർച്ചയാകുന്നത്. ജൂലിയൻ എന്ന ഉപയോക്താവ് പങ്കുവെച്ച ഈ പോസ്റ്റ് ഇതിനോടകം ദശലക്ഷക്കണക്കിന് ആളുകളാണ് കണ്ടത്. കമ്പനിയിൽ അടുത്തിടെ നടന്ന ‘AI വീക്ക്’ എന്ന പരിപാടിക്ക് പിന്നാലെയാണ് ജീവനക്കാരെ കൂട്ടത്തോടെ ഒഴിവാക്കാൻ തുടങ്ങിയതെന്ന് പോസ്റ്റിൽ പറയുന്നു.
സിംഗപ്പൂർ, യൂറോപ്പ്, യു.എസ് തുടങ്ങിയ വിവിധ ഭാഗങ്ങളിൽ നിന്നുള്ള ആയിരക്കണക്കിന് മെറ്റാ ജീവനക്കാർക്കാണ് മേയ് 20-ന് പുലർച്ചെ മുതൽ ജോലി നഷ്ടപ്പെട്ടതായി അറിയിച്ചുകൊണ്ടുള്ള ഇമെയിലുകൾ ലഭിച്ചത്. കമ്പനിയിലെ ടീമുകളെ കൂടുതൽ കാര്യക്ഷമമാക്കാനും ചെറിയ എഐ അധിഷ്ഠിത ഗ്രൂപ്പുകളാക്കി മാറ്റാനുമാണ് മെറ്റ ലക്ഷ്യമിടുന്നതെന്ന് ബ്ലൂംബെർഗ് പുറത്തുവിട്ട ആഭ്യന്തര റിപ്പോർട്ടുകൾ വ്യക്തമാക്കുന്നു. ഇതിന്റെ ഭാഗമായി ഏകദേശം 7,000-ത്തോളം ജീവനക്കാരെ ഇതിനകം തന്നെ AI പ്രോജക്ടുകളിലേക്ക് പുനർവിന്യസിച്ചിട്ടുണ്ട്. ഗൂഗിൾ, ഓപ്പൺഎഐ തുടങ്ങിയ കമ്പനികളുമായുള്ള മത്സരം കടുക്കുന്ന സാഹചര്യത്തിൽ ഈ വർഷം എഐ സാങ്കേതികവിദ്യകൾക്കായി 100 ബില്യൺ ഡോളറിലധികം നിക്ഷേപിക്കാനാണ് മാർക്ക് സക്കർബർഗ് ലക്ഷ്യമിടുന്നത്. ഈ വർഷം ഇനിയൊരു കൂട്ടപ്പിരിച്ചുവിടൽ ഉണ്ടാകില്ലെന്ന് സക്കർബർഗ് ജീവനക്കാർക്ക് ഉറപ്പ് നൽകിയിട്ടുണ്ടെങ്കിലും, പുതിയ സാങ്കേതികവിദ്യകൾ മനുഷ്യന്റെ തൊഴിലവസരങ്ങളെ എങ്ങനെ ബാധിക്കുന്നു എന്നതിന്റെ നേർക്കാഴ്ചയായി ഈ സംഭവം മാറിയിരിക്കുകയാണ്.
Summary: A viral post on X by a user named Julian has sparked intense debate over AI-driven job displacement following thousands of layoffs at Meta across Singapore, Europe, and the US. The post claims that employees were encouraged to build internal AI tools during a company-wide “AI Week,” only for his wife to be terminated after months of developing a tool that ultimately replaced her role. While unverified, the narrative aligns with Meta’s aggressive pivot toward leaner, AI-first structures under Mark Zuckerberg, who is projected to spend up to $145 billion on AI infrastructure this year while cutting around 8,000 jobs to save costs.
