വാഷിംഗ്ടൺ ഡിസി: 2028-ലെ യുഎസ് പ്രസിഡന്റ് തിരഞ്ഞെടുപ്പിൽ താൻ വീണ്ടും മത്സരിച്ചേക്കുമെന്ന് മുൻ വൈസ് പ്രസിഡന്റ് കമല ഹാരിസ് (Kamala Harris). പൗരാവകാശ സംഘടനയായ നാഷണൽ ആക്ഷൻ നെറ്റ്വർക്കിന്റെ യോഗത്തിൽ സംസാരിക്കവേയാണ് അവർ തന്റെ നിലപാട് വ്യക്തമാക്കിയത്. 2024-ലെ തിരഞ്ഞെടുപ്പ് പരാജയത്തിന് ശേഷം കമല ഹാരിസ് തന്റെ രാഷ്ട്രീയ നിലപാട് പരസ്യമായി വ്യക്തമാക്കുന്നത് ഇതാദ്യമായാണ്.
“2028-ൽ അമേരിക്കൻ ജനതയ്ക്ക് വേണ്ടി പ്രസിഡന്റ് എന്ന നിലയിൽ ഏറ്റവും മികച്ച രീതിയിൽ പ്രവർത്തിക്കാൻ ആർക്ക് കഴിയുമെന്നതിന്റെ അടിസ്ഥാനത്തിലാകും മത്സരരംഗത്തേക്ക് ഇറങ്ങുന്നതിനെക്കുറിച്ച് താൻ ചിന്തിക്കുക,” – ഹാരിസ് പറഞ്ഞു.
വരാനിരിക്കുന്ന തിരഞ്ഞെടുപ്പിൽ ഡെമോക്രാറ്റിക് പാർട്ടിയുടെ പ്രധാന മുഖമായി കമല ഹാരിസ് വീണ്ടും എത്തുമെന്ന സൂചനയാണ് ഈ വാക്കുകൾ നൽകുന്നത്.
അമേരിക്കയുടെ വൈസ് പ്രസിഡന്റായി സേവനമനുഷ്ഠിച്ച കമല ഹാരിസ്, 2024-ലെ തിരഞ്ഞെടുപ്പിൽ ഡൊണാൾഡ് ട്രംപിനോട് പരാജയപ്പെട്ടിരുന്നു. ഇതിനു മുൻപ് യുഎസ് സെനറ്ററായും കാലിഫോർണിയയുടെ അറ്റോർണി ജനറലായും അവർ പ്രവർത്തിച്ചിട്ടുണ്ട്. നിലവിലെ രാഷ്ട്രീയ സാഹചര്യത്തിൽ 2028-ലെ തിരഞ്ഞെടുപ്പ് ലക്ഷ്യമിട്ടുള്ള പ്രവർത്തനങ്ങൾ അവർ ഇപ്പോൾ തന്നെ ആരംഭിച്ചതായാണ് രാഷ്ട്രീയ നിരീക്ഷകർ വിലയിരുത്തുന്നത്.
Story Summary:
Former US Vice President Kamala Harris has hinted at a potential presidential run in 2028. Speaking at a meeting of the National Action Network, she stated that she would consider running based on who could best serve the American people as President. Harris, who lost the 2024 election to Donald Trump, has previously served as a US Senator and California’s Attorney General.
