വാർസോ: പോളണ്ടിന്റെ തലസ്ഥാനമായ വാർസോയിലെ തെരുവുകളിൽ കാട്ടുപന്നികളെ തുരത്തുന്ന ഒരു ഹ്യൂമനോയിഡ് റോബോട്ടിന്റെ ദൃശ്യങ്ങൾ സോഷ്യൽ മീഡിയയിൽ വൈറലാകുന്നു (Humanoid Robot Edward Warchocki). ‘എഡ്വേർഡ് വാർച്ചോക്കി’ എന്ന് പേരിട്ടിരിക്കുന്ന ഈ റോബോട്ട്, നഗരത്തിലെ ജനവാസ മേഖലകളിൽ ഇറങ്ങുന്ന കാട്ടുപന്നികളെ ഓടിക്കുന്നതാണ് വീഡിയോയിലുള്ളത്. യൂണിട്രീ ജി1 വിഭാഗത്തിൽപ്പെട്ട റോബോട്ടിനെ പ്രത്യേകമായി പരിഷ്കരിച്ചാണ് ഈ ദൗത്യത്തിന് ഉപയോഗിക്കുന്നത്.
കാട്ടുപന്നികളുടെ ശല്യം രൂക്ഷമായ വാർസോയിൽ പന്നികൾക്ക് പിന്നാലെ ഓടുന്ന റോബോട്ടിന്റെ ദൃശ്യങ്ങൾ കൗതുകത്തോടെയാണ് നാട്ടുകാർ ഏറ്റെടുത്തത്. പന്നികൾക്ക് പിന്നാലെ വേഗത്തിൽ ഓടാൻ കഴിയില്ലെങ്കിലും, അവയെ തുരത്താനുള്ള റോബോട്ടിന്റെ ശ്രമം വലിയൊരു വിനോദമായി സോഷ്യൽ മീഡിയയിൽ മാറി. പന്നികളെ പിടികൂടാൻ കഴിയാതെ വരുമ്പോൾ ആകാശത്തേക്ക് കൈകൾ വീശി നിരാശ പ്രകടിപ്പിക്കാനും എഡ്വേർഡിന് കഴിയുന്നുണ്ട്.
യൂണിട്രീ റോബോട്ടിക്സ് നിർമ്മിച്ച ഈ റോബോട്ടിന് ഏകദേശം അഞ്ച് ലക്ഷം രൂപയോളമാണ് ($6,000) വില വരുന്നത്. 55 പൗണ്ട് ഭാരമുള്ള ഇതിന് സങ്കീർണ്ണമായ ജിംനാസ്റ്റിക്സ് അഭ്യാസങ്ങൾ ചെയ്യാനും ആത്മവിശ്വാസത്തോടെ സംസാരിക്കാനും സാധിക്കും. കാട്ടുപന്നികളെ തുരത്താൻ ഇത്തരം റോബോട്ടുകളെ ഉപയോഗിക്കുന്നത് സുരക്ഷിതമാണെന്നും പന്നികൾ ആക്രമിച്ചാലും റോബോട്ടിന് ജീവഹാനി സംഭവിക്കില്ലെന്നും സോഷ്യൽ മീഡിയ ഉപയോക്താക്കൾ അഭിപ്രായപ്പെടുന്നു.
Summary: A customized Unitree G1 humanoid robot named “Edward Warchocki” has become a viral sensation after being spotted chasing wild boars in Warsaw, Poland. Despite its slow speed, the robot’s attempt to manage the city’s roaming boar population amused locals and social media users alike. The Unitree robot, which costs around $6,000, is equipped with advanced AI and flexible joints, allowing it to perform complex movements. While it couldn’t catch the boars, its “frustrated” gestures in the clip won hearts online.
