വാഷിംഗ്ടൺ: 2023-ൽ അലാസ്ക ഉൾക്കടലിൽ സമുദ്രനിരപ്പിൽ നിന്ന് രണ്ട് മൈൽ താഴ്ചയിൽ കണ്ടെത്തിയ തിളങ്ങുന്ന ‘സ്വർണ്ണ ഗോളത്തിന്റെ’ രഹസ്യം ശാസ്ത്രജ്ഞർ ഒടുവിൽ വെളിപ്പെടുത്തി (Golden Orb Mystery Solved). ഇത് അന്യഗ്രഹ ജീവികളുമായി ബന്ധപ്പെട്ട ഒന്നോ പുതിയ വർഗ്ഗത്തിൽപ്പെട്ട ജീവിയോ അല്ലെന്നും, മറിച്ച് ആഴക്കടലിലെ ഒരു ഭീമൻ കടൽ പുഷ്പത്തിന്റെ അവശിഷ്ടമാണെന്നും ശാസ്ത്രജ്ഞർ സ്ഥിരീകരിച്ചു.
2023 ഓഗസ്റ്റ് 30-ന് അലാസ്ക ഉൾക്കടലിൽ 10,827 അടി താഴ്ചയിൽ എൻ.ഒ.എ.എ നടത്തിയ പര്യവേഷണത്തിനിടെയാണ് ഈ നിഗൂഢ വസ്തു കണ്ടെത്തിയത്. മിനുസമുള്ളതും താഴെ ഒരു ചെറിയ ദ്വാരമുള്ളതുമായ ഈ സ്വർണ്ണ ഗോളം ഒരു പാറയിൽ പറ്റിപ്പിടിച്ചിരുന്ന നിലയിലായിരുന്നു. തുടക്കത്തിൽ ഇത് ഏതെങ്കിലും ജീവിയുടെ മുട്ടയാണെന്നോ, സ്പോഞ്ചോ, പവിഴപ്പുറ്റോ ആണെന്നോ ഒക്കെയായിരുന്നു നിഗമനങ്ങൾ. എന്നാൽ വിശദമായ ഡി.എൻ.എ പരിശോധനകളിലൂടെയും ജീനോം സീക്വൻസിംഗിലൂടെയും ഇത് ‘റിലിക്കന്തസ് ഡാഫ്നിയെ’ (Relicanthus daphneae) എന്ന ആഴക്കടൽ ജീവിയുടെ കോശാവശിഷ്ടമാണെന്ന് കണ്ടെത്തി.
ആഴക്കടലിലെ ഇരുട്ടിൽ വസിക്കുന്ന റിലിക്കന്തസ് ഡാഫ്നിയെ എന്ന ജീവിക്ക് രണ്ട് മീറ്ററിലധികം നീളമുള്ള സ്പർശിനികൾ ഉണ്ടാകാറുണ്ട്. ഇവ പ്രത്യുൽപ്പാദനം നടത്തുമ്പോഴോ ഒരിടത്തുനിന്ന് മറ്റൊരിടത്തേക്ക് മാറുമ്പോഴോ ഉപേക്ഷിക്കുന്ന ടിഷ്യൂകളാണ് സ്വർണ്ണ ഗോളമായി രൂപപ്പെട്ടതെന്ന് ഗവേഷകർ പറയുന്നു. നൂതന സാങ്കേതിക വിദ്യ ഉപയോഗിച്ച് ആഴക്കടലിലെ നിഗൂഢതകൾ ഓരോന്നായി അഴിച്ചെടുക്കാൻ കഴിയുന്നത് സമുദ്രപര്യവേഷണ മേഖലയിൽ വലിയ നേട്ടമാണെന്ന് എൻ.ഒ.എ.എ ഡയറക്ടർ വില്യം മോവിറ്റ് പറഞ്ഞു. ഭൂമിയുടെ നിലനിൽപ്പിനും സാമ്പത്തിക വളർച്ചയ്ക്കും സമുദ്രവിഭവങ്ങളെക്കുറിച്ച് കൂടുതൽ മനസ്സിലാക്കേണ്ടത് അത്യാവശ്യമാണെന്നും ഗവേഷകർ കൂട്ടിച്ചേർത്തു.
Summary: Scientists have identified the mysterious “golden orb” found 10,827 feet deep in the Gulf of Alaska in 2023. After extensive DNA and genomic analysis, researchers from NOAA confirmed it is a biological remnant of Relicanthus daphneae, a giant deep-sea anemone. The golden mass was tissue or skin left behind by the anemone during reproduction or movement. This discovery solves a mystery that initially had experts guessing everything from egg cases to alien technology.
