വാഷിംഗ്ടൺ: ഈ വർഷത്തെ ജി20 വ്യാപാര മന്ത്രിമാരുടെ നിർണ്ണായക യോഗത്തിന് അമേരിക്കയിലെ വിസ്കോൺസിൻ ആതിഥേയത്വം വഹിക്കും (G20 Trade Ministers Meeting Wisconsin). സെപ്റ്റംബർ 30 മുതൽ ഒക്ടോബർ 1 വരെ നടക്കുന്ന യോഗത്തിന് യുഎസ് ട്രേഡ് റെപ്രസെന്റേറ്റീവ് ജാമിസൺ ഗ്രീർ നേതൃത്വം നൽകുമെന്ന് അദ്ദേഹത്തിന്റെ ഓഫീസ് അറിയിച്ചു. ആഗോളതലത്തിലെ നിർബന്ധിത തൊഴിൽ ചൂഷണം, മോസ്റ്റ് ഫേവേർഡ് നേഷൻ നയങ്ങളുടെ പരിഷ്കരണം, വിപണിയിലെ അമിത ഉത്പാദനം തുടങ്ങിയ പ്രധാന വിഷയങ്ങളൂന്നിയായിരിക്കും യോഗത്തിൽ ചർച്ചകൾ നടക്കുക.
ഇതിന് പിന്നാലെ ലോകനേതാക്കൾ പങ്കെടുക്കുന്ന പ്രധാന ജി20 ഉച്ചകോടി ഡിസംബർ 14, 15 തീയതികളിൽ മിയാമിയിൽ നടക്കും. മിയാമിയിലെ ‘ട്രംപ് നാഷണൽ ഡോറൽ’ റിസോർട്ടിൽ വെച്ച് നടക്കുന്ന ഉച്ചകോടിക്ക് അമേരിക്കൻ പ്രസിഡന്റ് ഡൊണാൾഡ് ട്രംപ് നേരിട്ട് ആതിഥേയത്വം വഹിക്കും. അമേരിക്കൻ സ്വാതന്ത്ര്യത്തിന്റെ 250-ാം വാർഷിക ആഘോഷങ്ങളോട് അനുബന്ധിച്ചാണ് ഈ ആഗോള ഉച്ചകോടി യുഎസിൽ അരങ്ങേറുന്നത്. ഇന്ത്യയിൽ നിന്ന് പ്രധാനമന്ത്രി നരേന്ദ്ര മോദി ഉൾപ്പെടെയുള്ള ആഗോള നേതാക്കൾ ഡിസംബറിൽ നടക്കുന്ന ഈ പ്രധാന സമ്മേളനത്തിൽ പങ്കെടുക്കാൻ മിയാമിയിൽ എത്തും.
Summary: U.S. Trade Representative Jamieson Greer will host the G20 trade ministers’ meeting in Wisconsin from September 30 to October 1, 2026. The high-level talks are scheduled to focus on addressing forced labor, updating the Most-Favored Nation (MFN) principle, and tackling global overcapacity.
