ലോസ് ഏഞ്ചൽസ്: അറുപത്തിയെട്ടാമത് ഗ്രാമി പുരസ്കാര വേദിയിൽ ചരിത്ര നേട്ടവുമായി ടിബറ്റൻ ആത്മീയ നേതാവ് ദലൈലാമ (Dalai Lama first Grammy win). ‘Meditations: The Reflections of His Holiness the Dalai Lama’ എന്ന സ്പോക്കൺ വേർഡ് ആൽബത്തിലൂടെ ‘ബെസ്റ്റ് ഓഡിയോ ബുക്ക്, നറേഷൻ ആൻഡ് സ്റ്റോറി ടെല്ലിംഗ് റെക്കോർഡിംഗ്’ വിഭാഗത്തിലാണ് അദ്ദേഹം തന്റെ ആദ്യ ഗ്രാമി പുരസ്കാരം സ്വന്തമാക്കിയത്. പ്രശസ്ത കൊമേഡിയൻ ട്രെവർ നോവ, യുഎസ് സുപ്രീം കോടതി ജസ്റ്റിസ് കെറ്റാഞ്ചി ബ്രൗൺ ജാക്സൺ എന്നിവരെ പിന്തള്ളിയാണ് 90-കാരനായ ദലൈലാമയുടെ ഈ നേട്ടം. ആത്മീയത, സമാധാനം, പ്രകൃതി സംരക്ഷണം എന്നിവയെക്കുറിച്ചുള്ള ദലൈലാമയുടെ സന്ദേശങ്ങളാണ് ഈ ആൽബത്തിലുള്ളത്.
ദലൈലാമയ്ക്കൊപ്പം ഹോളിവുഡ് സംവിധായകൻ സ്റ്റീവൻ സ്പീൽബെർഗും ഇത്തവണ ചരിത്രം കുറിച്ചു. ‘Music by John Williams’ എന്ന ഡോക്യുമെന്ററിയിലൂടെ മികച്ച മ്യൂസിക് ഫിലിമിനുള്ള പുരസ്കാരം നേടിയതോടെ സ്പീൽബെർഗ് ‘ഇഗോട്ട്’ (EGOT) പദവിക്ക് അർഹനായി. എമ്മി, ഗ്രാമി, ഓസ്കാർ, ടോണി എന്നീ നാല് പ്രധാന പുരസ്കാരങ്ങളും നേടുന്ന അപൂർവ്വ വ്യക്തികളുടെ പട്ടികയിലാണ് അദ്ദേഹം ഇടംപിടിച്ചത്. കൂടാതെ, ‘KPop Demon Hunters’ എന്ന ചിത്രത്തിലെ ‘Golden’ എന്ന ഗാനത്തിലൂടെ കെ-പോപ്പ് (K-Pop) ചരിത്രത്തിലെ ആദ്യ ഗ്രാമി പുരസ്കാരവും ഈ വർഷം പിറന്നു. ലേഡി ഗാഗ, കെൻഡ്രിക് ലാമർ, ബാഡ് ബണ്ണി തുടങ്ങിയവരും വിവിധ വിഭാഗങ്ങളിൽ പ്രധാന പുരസ്കാരങ്ങൾ സ്വന്തമാക്കി.
Summary
The 14th Dalai Lama won his first Grammy for Best Audio Book, Narration & Storytelling Recording, defeating Trevor Noah and Justice Ketanji Brown Jackson. Other historic wins at the 68th Grammys included Steven Spielberg achieving EGOT status and the first-ever Grammy for a K-Pop act via the film ‘KPop Demon Hunters.’
