ഹൈദരാബാദ്: ട്രാഫിക്കിലൂടെ ബൈക്ക് ഓടിക്കുമ്പോൾ ഇന്ധന ടാങ്കിൽ ലാപ്ടോപ്പ് വെച്ച് ജോലി ചെയ്യുന്ന യുവാവിന്റെ ദൃശ്യങ്ങൾ സോഷ്യൽ മീഡിയയിൽ വൈറലായി (Work From Bike in Hyderabad). ഹൈദരാബാദിലെ ഐടി ഇടനാഴിയായ മാദാപൂരിലെ ഹിറ്റെക്സ് കമാനത്തിന് സമീപമാണ് ഈ അപകടകരമായ കാഴ്ച കണ്ടത്. തിരക്കേറിയ നിരത്തിലൂടെ ബൈക്ക് ഓടിക്കുന്നതിനിടയിൽ ലാപ്ടോപ്പ് തുറന്നുവെച്ച് അതിൽ ശ്രദ്ധ കേന്ദ്രീകരിക്കുന്ന യുവാവിന്റെ വീഡിയോ വലിയ ചർച്ചകൾക്കാണ് വഴിവെച്ചിരിക്കുന്നത്.
ఏ పనికైనా ఒక పద్ధతి ఉంటుంది. కానీ, ప్రాణాలను పణంగా పెట్టి ఇలా వర్క్ ఫ్రమ్ బైక్ చేయడం చూస్తుంటే… ఆత్రం ఎక్కువైతే ప్రాణం మీదకు వస్తుంది అనే మాట అక్షరాలా నిజమనిపిస్తోంది.
రోడ్డు మీద మీ ఏకాగ్రత ఒక్క క్షణం తప్పినా, అది మీ ప్రాణానికే కాదు, పక్కన వెళ్లే అమాయకుల ప్రాణాలకు కూడా… pic.twitter.com/qSTFaFvf3w
— V.C. Sajjanar, IPS (@SajjanarVC_IPS) June 13, 2026
ആധുനിക കോർപ്പറേറ്റ് ജോലികളിലെ അമിതമായ ജോലിഭാരവും വർക്ക്-ലൈഫ് ബാലൻസില്ലായ്മയുമാണ് ഇത്തരം പ്രവണതകൾക്ക് കാരണമെന്നാണ് സോഷ്യൽ മീഡിയയിലെ പ്രധാന വിമർശനം. “70 മണിക്കൂർ ജോലി ചെയ്യണമെന്ന സമ്മർദ്ദമായിരിക്കാം”, “ഇതൊക്കെ എന്ത് കഷ്ടമാണ്” തുടങ്ങിയ പ്രതികരണങ്ങളാണ് വീഡിയോയ്ക്ക് താഴെ വരുന്നത്. എന്നാൽ ഇത്തരത്തിൽ ശ്രദ്ധ തിരിച്ചു ബൈക്ക് ഓടിക്കുന്നത് സ്വന്തം ജീവനും മറ്റുള്ളവരുടെ ജീവനും ഭീഷണിയാണെന്ന് ചൂണ്ടിക്കാട്ടി നിരവധി പേർ രംഗത്തെത്തിയിട്ടുണ്ട്. ഇത്തരം നിയമലംഘനങ്ങൾക്കെതിരെ കർശനമായ നടപടി വേണമെന്നാണ് പൊതുവായ ആവശ്യം. ഇതിനുമുമ്പും സമാനമായ രീതിയിൽ ബൈക്ക് യാത്രയ്ക്കിടെ ലാപ്ടോപ്പ് ഉപയോഗിക്കുന്നവരുടെ ദൃശ്യങ്ങൾ പ്രചരിച്ചിരുന്നു.
Summary: A video from Hyderabad has gone viral showing a man riding a motorcycle through the busy Madhapur IT corridor with an open laptop balanced on his fuel tank. The footage has triggered a widespread debate on social media regarding road safety and the extreme pressures of modern corporate work culture.
