ജയ്പൂർ: രാജസ്ഥാനിലെ കോട്ടയിലുണ്ടായ വൻ കെട്ടിട ദുരന്തത്തിൽ രണ്ട് പേർ മരിച്ചു. കോട്ടയിലെ തൽവാണ്ടി മേഖലയിലുള്ള മൂന്നുനില കെട്ടിടമാണ് കഴിഞ്ഞ ദിവസം രാത്രി തകർന്നു വീണത്. കെട്ടിടാവശിഷ്ടങ്ങൾക്കിടയിൽ ഇനിയും നിരവധി പേർ കുടുങ്ങിക്കിടക്കുന്നതായാണ് വിവരം.(Three-storey building collapses in Rajasthan, 2 dead)
തകർന്നു വീണ കെട്ടിടത്തിൽ ഒരു ഭക്ഷണശാലയാണ് പ്രവർത്തിച്ചിരുന്നത്. അപകടം നടന്ന ഉടൻതന്നെ അധികൃതർ രക്ഷാപ്രവർത്തനം ആരംഭിച്ചു. കെട്ടിടം തകരാനുണ്ടായ യഥാർത്ഥ കാരണം ഇനിയും വ്യക്തമായിട്ടില്ല. ഇക്കാര്യം അധികൃതർ പരിശോധിച്ചു വരികയാണ്.
