അയോധ്യ: രാമക്ഷേത്ര നിർമ്മാണത്തിനായി ലഭിച്ച സംഭാവനയിൽ ക്രമക്കേട് നടന്നെന്ന ആരോപണത്തിൽ നിഷ്പക്ഷമായ അന്വേഷണം വേണമെന്ന് രാമക്ഷേത്ര ട്രസ്റ്റ് അധ്യക്ഷൻ മഹന്ത് നൃത്യ ഗോപാൽ ദാസിന്റെ പിൻഗാമി മഹന്ത് കമൽ നയൻ ദാസ്. അതേസമയം, സമാജ്വാദി പാർട്ടി അധ്യക്ഷൻ അഖിലേഷ് യാദവിന്റെ ആരോപണങ്ങൾ ജനങ്ങൾ ഗൗരവമായി കാണുന്നില്ലെന്ന് കേന്ദ്രമന്ത്രി പിയൂഷ് ഗോയൽ പ്രതികരിച്ചു.(Ram Mandir Donation Row Mahant Seeks Probe As Piyush Goyal Dismisses Allegations)
രാമക്ഷേത്ര ഫണ്ടിലെ തിരിമറിയെ ചൊല്ലിയുള്ള വിവാദങ്ങൾക്കിടെയാണ് മഹന്ത് കമൽ നയൻ ദാസിന്റെ പ്രതികരണം. എവിടെയെങ്കിലും തെറ്റായ കാര്യങ്ങൾ സംഭവിച്ചിട്ടുണ്ടെങ്കിൽ അത് അന്വേഷിക്കപ്പെടേണ്ടതാണ്. എന്നാൽ നിലവിൽ ആരോപണ-പ്രത്യാരോപണങ്ങൾ നിറഞ്ഞ അന്തരീക്ഷത്തിൽ അന്വേഷണത്തിന്റെ സുതാര്യതയും നിഷ്പക്ഷതയും ചോദ്യം ചെയ്യപ്പെടുന്നുണ്ടെന്നും അദ്ദേഹം ചൂണ്ടിക്കാട്ടി.
അതേസമയം, വിവാദത്തെ ലഘൂകരിക്കാനാണ് കേന്ദ്രമന്ത്രി പിയൂഷ് ഗോയൽ ശ്രമിച്ചത്. അഖിലേഷ് യാദവ് ഉന്നയിക്കുന്ന ആരോപണങ്ങൾക്ക് വിശ്വാസ്യതയില്ലെന്നും, ജനങ്ങൾ അത്തരം വാദങ്ങളെ കാര്യമായി എടുക്കുന്നില്ലെന്നും ഗോയൽ വ്യക്തമാക്കി.
Story Summary
Amid the ongoing controversy regarding alleged embezzlement of donations for the Ram Mandir, Mahant Kamal Nayan Das has called for an impartial investigation into any potential irregularities. Meanwhile, Union Minister Piyush Goyal dismissed the claims made by SP chief Akhilesh Yadav, stating that the public does not view his allegations as credible.
