ന്യൂഡൽഹി : പാഠപുസ്തകത്തിൽ സിന്ധു നാഗരികതയുടെ പ്രശസ്തമായ ‘ഡാൻസിംഗ് ഗേൾ’ ശിൽപ്പത്തിന്റെ ചിത്രം മാറ്റിവരുത്തിയതിനെത്തുടർന്നുണ്ടായ വിവാദങ്ങൾക്ക് വിരാമം. പുസ്തകത്തിൽ ശിൽപ്പത്തിന്റെ യഥാർത്ഥ ചിത്രം തന്നെ ഉൾപ്പെടുത്താൻ എൻ.സി.ഇ.ആർ.ടി തീരുമാനിച്ചു.പാഠപുസ്തകത്തിൽ വരുത്തിയ മാറ്റം ശ്രദ്ധയിൽപ്പെട്ടതിനെത്തുടർന്ന് വിദഗ്ധരുമായി നടത്തിയ കൂടിയാലോചനകൾക്കൊടുവിലാണ് യഥാർത്ഥ ചിത്രം തന്നെ തിരികെ കൊണ്ടുവരാൻ തീരുമാനിച്ചതെന്ന് എൻ.സി.ഇ.ആർ.ടി ഡയറക്ടർ പറഞ്ഞു.(NCERT Dancing Girl controversy, NCERT replaces modified dancing girl image with original in class 9 textbook)
ഓൺലൈൻ പതിപ്പുകളിൽ ഉടൻ തന്നെ ഈ മാറ്റം വരുത്തുമെന്നും, വരും വർഷങ്ങളിലെ അച്ചടി പതിപ്പുകളിൽ ഈ തിരുത്തൽ ഉണ്ടാകുമെന്നും അധികൃതർ വ്യക്തമാക്കി.സിന്ധു നാഗരികതയുടെ ഭാഗമായ മൊഹെൻജൊ-ദാരോയിൽ നിന്നും കണ്ടെടുത്ത 4,500 വർഷം പഴക്കമുള്ള ഈ വെങ്കല ശിൽപ്പം ലോകപ്രശസ്തമാണ്.
എന്നാൽ എൻ.സി.ഇ.ആർ.ടി പുറത്തിറക്കിയ പുതിയ പാഠപുസ്തകത്തിൽ, ശിൽപ്പത്തിന്റെ മുകൾഭാഗം നിഴലുകൾ ഉപയോഗിച്ച് മറച്ചുവെച്ച നിലയിലായിരുന്നു ചിത്രം നൽകിയിരുന്നത്. ഇത് വ്യാപകമായ വിമർശനങ്ങൾക്ക് വഴിവെച്ചിരുന്നു. ചരിത്രപരമായ ഒരു കലാരൂപത്തെ വികലമാക്കുന്നതിന് തുല്യമാണ് ഈ നടപടിയെന്ന് ചരിത്രകാരന്മാരും അധ്യാപകരും അഭിപ്രായപ്പെട്ടിരുന്നു.
Story Summary
The NCERT has decided to replace the digitally altered image of the Mohenjo-daro “Dancing Girl” in its Class 9 art textbook following public criticism and debate over the censorship of historical artifacts. The original, authentic bronze figurine, which shows a bare torso, will be restored in both online versions and future printed editions of the book.
