കഴിഞ്ഞ ഒമ്പത് വർഷത്തിനിടെ ഭൂമിയിലെ രാത്രികാല വെളിച്ചത്തിലുണ്ടായ മാറ്റങ്ങൾ നിരീക്ഷിക്കുന്ന നാസയുടെ പുതിയ റിപ്പോർട്ടിൽ ഉത്തരേന്ത്യൻ സംസ്ഥാനങ്ങളിലെ മാറ്റങ്ങൾ ചർച്ചയാകുന്നു (NASA Night Light India). 2014 മുതൽ 2022 വരെയുള്ള കാലയളവിലെ ഉപഗ്രഹ ചിത്രങ്ങൾ വിശകരണം ചെയ്തതിൽ നിന്ന്, ബിഹാർ ഉൾപ്പെടുന്ന മേഖലകളിൽ മുൻവർഷങ്ങളെ അപേക്ഷിച്ച് വെളിച്ചം വർദ്ധിച്ചതായി നാസയുടെ ‘ബ്ലാക്ക് മാർബിൾ’ ഡാറ്റ വ്യക്തമാക്കുന്നു.
വികസന സൂചികകളിൽ പിന്നിലാണെങ്കിലും, കഴിഞ്ഞ ഒരു ദശകത്തിനിടെ ബിഹാറിലെ ഗ്രാമീണ മേഖലകളിൽ വൈദ്യുതി എത്തിയതാണ് ബഹിരാകാശത്തുനിന്നുള്ള ചിത്രങ്ങളിൽ തെളിയുന്നത്. ജനസാന്ദ്രതയേറിയ ഈ മേഖലയിൽ വൈദ്യുതി വിതരണം മെച്ചപ്പെട്ടത് രാത്രികാല ചിത്രങ്ങളിൽ പ്രകടമാണ്. ബിഹാർ മേഖലയിൽ വെളിച്ചം വർദ്ധിക്കുമ്പോൾ, പശ്ചിമ ബംഗാളിന്റെ ചില ഭാഗങ്ങളിൽ വെളിച്ചം മങ്ങുന്നതായി നാസ നിരീക്ഷിക്കുന്നു. ഇത് വിവിധ സംസ്ഥാനങ്ങളിലെ ഊർജ്ജ ഉപഭോഗത്തിലുണ്ടായ മാറ്റങ്ങളെയാണ് സൂചിപ്പിക്കുന്നത്.
കഴിഞ്ഞ ഒമ്പത് വർഷത്തിനിടെ ആഗോളതലത്തിൽ രാത്രികാല വെളിച്ചത്തിൽ 34 ശതമാനം വർദ്ധനവുണ്ടായി. എന്നാൽ ഇത് എല്ലാടവും ഒരുപോലെയല്ല. ചൈനയിലും ഉത്തരേന്ത്യയിലും വലിയ തോതിലുള്ള വർദ്ധനവ് രേഖപ്പെടുത്തിയപ്പോൾ, ഊർജ്ജ സംരക്ഷണ നടപടികൾ കാരണം പാരിസ് (33%), ബ്രിട്ടൻ (22%), നെതർലൻഡ്സ് (21%) എന്നിവിടങ്ങളിൽ വെളിച്ചം കുറഞ്ഞു. നാസയുടെയും നോവയുടെയും (NOAA) ഉപഗ്രഹങ്ങളിൽ ഘടിപ്പിച്ച VIIRS സെൻസറുകൾ ഉപയോഗിച്ചാണ് ഈ ഡാറ്റ ശേഖരിച്ചത്. രാത്രി 1:30-ന് ശേഖരിക്കുന്ന ഈ ദൃശ്യങ്ങൾക്ക് ഒരു ഹൈവേയിലെ ടോൾ ബൂത്തിൽ നിന്നുള്ള വെളിച്ചം പോലും തിരിച്ചറിയാൻ ശേഷിയുണ്ട്.
“ഭൂമിയുടെ ഹൃദയമിടിപ്പ് നിരീക്ഷിക്കുന്നത് പോലെയാണിത്,” എന്നാണ് പഠനത്തിന് നേതൃത്വം നൽകിയ പ്രൊഫസർ ഷെ ഷു വിശേഷിപ്പിച്ചത്. അമേരിക്കയിലെ എണ്ണപ്പാടങ്ങളിലെ വെളിച്ചം മുതൽ ബിഹാറിലെ ഗ്രാമങ്ങളിലെ തെരുവുവിളക്കുകൾ വരെ ലോകത്തിന്റെ സാമ്പത്തികവും സാമൂഹികവുമായ മാറ്റങ്ങളുടെ നേർക്കാഴ്ചയാണ് നാസയുടെ ‘ബ്ലാക്ക് മാർബിൾ’എന്ന ഈ ഡാറ്റാ ശേഖരം നൽകുന്നത്.
Summary: New nighttime maps from NASA, based on 1.16 million satellite images collected over nine years (2014-2022), reveal a significant brightening of Northern India, especially the UP-Bihar belt. While global radiance increased by 34%, the surge in Bihar highlights the success of rural electrification and industrial growth, making it one of the brightest spots in space-based observations. In contrast, regions like West Bengal have seen a relative dimming. NASA’s ‘Black Marble’ data highlights how energy transitions and policy shifts are reshaping the planet’s nighttime glow, with Bihar emerging as a symbol of India’s rapid development.
