പുതുച്ചേരി: എഐഎൻആർസി നേതാവ് എൻ. രംഗസാമി മെയ് 13 ബുധനാഴ്ച പുതുച്ചേരി മുഖ്യമന്ത്രിയായി സത്യപ്രതിജ്ഞ ചെയ്യും ( N Rangasamy Swearing In). രാജ്നിവാസിലെ ലോഗ് നിവാസിൽ രാവിലെ 9.47-ന് നടക്കുന്ന ചടങ്ങിൽ ലഫ്റ്റനന്റ് ഗവർണർ കെ. കൈലാഷ്നാഥൻ സത്യവാചകം ചൊല്ലിക്കൊടുക്കും. ഇത് അഞ്ചാം തവണയാണ് രംഗസാമി പുതുച്ചേരിയുടെ മുഖ്യമന്ത്രി പദത്തിലെത്തുന്നത്.
തിരഞ്ഞെടുപ്പ് ഫലം ഒറ്റനോട്ടത്തിൽ:
ആകെ സീറ്റുകൾ: 30
എൻ.ഡി.എ സഖ്യം: 18 സീറ്റുകൾ (ഭൂരിപക്ഷം നേടി)
എഐഎൻആർസി: 12 സീറ്റുകൾ (16 ഇടത്ത് മത്സരിച്ചു)
ബിജെപി: 4 സീറ്റുകൾ (10 ഇടത്ത് മത്സരിച്ചു)
എഐഎഡിഎംകെ: 1 സീറ്റ്
ലക്ഷ്യ ജനനായക കക്ഷി: 1 സീറ്റ്
പുതുച്ചേരിയിൽ വീണ്ടും ഒരു സഖ്യകക്ഷി സർക്കാരാണ് അധികാരമേൽക്കുന്നത്. എന്നാൽ, ബുധനാഴ്ച മുഖ്യമന്ത്രിയോടൊപ്പം ബിജെപി അംഗങ്ങളും മന്ത്രിമാരായി സത്യപ്രതിജ്ഞ ചെയ്യുമോ എന്ന കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. ഏപ്രിൽ 9-നായിരുന്നു പുതുച്ചേരി നിയമസഭയിലേക്കുള്ള വോട്ടെടുപ്പ് നടന്നത്.
Summary: AINRC leader N Rangasamy will be sworn in as the Chief Minister of Puducherry for the fifth time on Wednesday, May 13. Lieutenant Governor K Kailashnathan will administer the oath at Lok Nivas. The NDA alliance, comprising AINRC, BJP, AIADMK, and Lakshiya Jananayaga Katchi, holds 18 seats in the 30-member assembly.
