ശിവ്ഹർ: പാലിന്റെ കുടിശ്ശിക ചോദിച്ച വൃദ്ധനെ യുവാവ് ഇഷ്ടിക കൊണ്ട് എറിഞ്ഞു കൊന്നു. ബിഹാറിലെ ശിവ്ഹർ ജില്ലയിലെ ബഹുആര ഗ്രാമത്തിലാണ് അതിക്രൂരമായ ഈ കൊലപാതകം നടന്നത് (Milk Money Dispute Murder). പ്രദേശവാസിയായ ബച്ചു സിംഗ് (65) ആണ് കൊല്ലപ്പെട്ടത്. സംഭവത്തിൽ പ്രതിയായ ആകാശ് കുമാറിനായി പോലീസ് തിരച്ചിൽ ഊർജ്ജിതമാക്കി.
ഞായറാഴ്ച രാവിലെ പാലിന്റെ പൈസയെച്ചൊല്ലി ബച്ചു സിംഗും അയൽവാസിയായ സുരേഷ് സിംഗും തമ്മിൽ വാക്കുതർക്കമുണ്ടായിരുന്നു. വൈകുന്നേരത്തോടെ സുരേഷിന്റെ മകൻ ആകാശ് കുമാർ പ്രകോപിതനായി ബച്ചു സിംഗിന് നേരെ ഇഷ്ടിക എറിയുകയായിരുന്നു. ഇഷ്ടിക തലയിൽ തറച്ച് ഗുരുതരമായി പരിക്കേറ്റ വയോധികൻ സംഭവസ്ഥലത്ത് തന്നെ കുഴഞ്ഞുവീണ് മരിച്ചു.
ശ്യാംപൂർ ഭട്ടഹ പോലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായി ശിവ്ഹർ സദർ ആശുപത്രിയിലേക്ക് മാറ്റി. പൈസ ചോദിച്ചതിന്റെ പേരിൽ ഒരു വൃദ്ധനെ കൊലപ്പെടുത്തിയ സംഭവം ഗ്രാമത്തിൽ വലിയ പ്രതിഷേധത്തിന് കാരണമായിട്ടുണ്ട്. പ്രതിയെ ഉടൻ പിടികൂടുമെന്നും കേസിൽ കർശന നടപടി സ്വീകരിക്കുമെന്നും എസ്എച്ച്ഒ സുനിൽ കുമാർ അറിയിച്ചു.
Summary: A 65-year-old man, Bachchu Singh, was killed in Bihar’s Sheohar district after a dispute over unpaid milk money.
