ബംഗളൂരു: ബംഗളൂരുവിൽ നടന്ന ‘സങ്കൽപ്പ് സമാവേശം’ പരിപാടിക്കിടെ ഡി.കെ. ശിവകുമാറിന് അനുകൂലമായി മുദ്രാവാക്യം വിളിച്ച പ്രവർത്തകർക്കെതിരെ രൂക്ഷവിമർശനവുമായി കോൺഗ്രസ് അധ്യക്ഷൻ മല്ലികാർജുൻ ഖാർഗെ (Mallikarjun Kharge Reprimanded Party Workers). പാർട്ടിയേക്കാൾ ഉപരിയായി വ്യക്തിപൂജ നടക്കുന്നതിനെതിരെ പരസ്യമായി അതൃപ്തി പ്രകടിപ്പിച്ച ഖാർഗെ, പ്രവർത്തകരെ ‘ഉപയോഗശൂന്യർ’ എന്ന് വിളിച്ചാണ് ശാസിച്ചത്. ഇത് ഒരു വ്യക്തിയുടെ പരിപാടിയല്ലെന്നും പാർട്ടിയുടെ പരിപാടിയാണെന്നും അദ്ദേഹം ഓർമ്മിപ്പിച്ചു.
പരിപാടിയിലെ അച്ചടക്കമില്ലായ്മ കണ്ട് ക്ഷുഭിതനായ ഖാർഗെ, മുദ്രാവാക്യം വിളിച്ചവർക്കെതിരെ കർശന നടപടി സ്വീകരിക്കുമെന്ന് മുന്നറിയിപ്പ് നൽകി. പരിപാടിയുടെ ദൃശ്യങ്ങൾ പരിശോധിച്ച് അച്ചടക്കലംഘനം നടത്തിയവർക്കെതിരെ നടപടി എടുക്കുമെന്നും അദ്ദേഹം വ്യക്തമാക്കി. “അച്ചടക്കമാണ് പാർട്ടിയുടെ അടിസ്ഥാനം. ഇവിടെ ആരെങ്കിലും ബഹളമുണ്ടാക്കുന്നുണ്ടെങ്കിൽ ദൃശ്യങ്ങളുണ്ട്. അത് പരിശോധിച്ച് നടപടി എടുക്കും,” ഖാർഗെ പറഞ്ഞു. 58 വർഷത്തെ രാഷ്ട്രീയ പാരമ്പര്യമുള്ള തനിക്ക് പാർട്ടിയുടെ പ്രാധാന്യത്തെക്കുറിച്ച് വ്യക്തമായ ബോധ്യമുണ്ടെന്നും, നേതാക്കളെ വളർത്തിയത് പാർട്ടിയാണെന്നും അദ്ദേഹം കൂട്ടിച്ചേർത്തു.
Summary: Congress President Mallikarjun Kharge reprimanded party workers at a ‘Sankalpa Samavesha’ event in Bengaluru for disrupting the proceedings with slogans in support of Karnataka CM DK Shivakumar. Kharge condemned the incident as “individual worship” and warned that disciplinary action would be taken after reviewing footage of the event.
