ന്യൂഡൽഹി: ഇന്ത്യയും നേപ്പാളും തമ്മിലുള്ള ബന്ധം ‘സവിശേഷമാണെന്നും’ ഇരുരാജ്യങ്ങളും തമ്മിലുള്ള സഹകരണം കൂടുതൽ ശക്തമാക്കാൻ ഇപ്പോൾ മികച്ച അവസരമാണെന്നും വിദേശകാര്യമന്ത്രി എസ്. ജയശങ്കർ. ന്യൂഡൽഹിയിൽ സന്ദർശനത്തിനെത്തിയ നേപ്പാൾ വിദേശകാര്യമന്ത്രി ശിശിർ ഖനാലുമായി നടത്തിയ കൂടിക്കാഴ്ചയിലാണ് അദ്ദേഹം ഇക്കാര്യം വ്യക്തമാക്കിയത്.(India-Nepal relations, Nepal Foreign Minister Shishir Khanal Visits India To Strengthen Ties)
ഇരുരാജ്യങ്ങളുടെയും പരസ്പര വളർച്ചയ്ക്കും പുരോഗതിക്കും വേണ്ടി നേപ്പാളുമായി ചേർന്ന് പ്രവർത്തിക്കാൻ ഇന്ത്യ പ്രതിജ്ഞാബദ്ധമാണെന്ന പ്രധാനമന്ത്രി നരേന്ദ്ര മോദിയുടെ സന്ദേശം ജയശങ്കർ ആവർത്തിച്ചു.
മൂന്ന് ദിവസത്തെ സന്ദർശനത്തിനായി വെള്ളിയാഴ്ചയാണ് നേപ്പാൾ വിദേശകാര്യമന്ത്രി ശിശിർ ഖനാൽ ഡൽഹിയിലെത്തിയത്. ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുകയാണ് സന്ദർശനത്തിന്റെ പ്രധാന ലക്ഷ്യം. നേപ്പാളിലെ പുതിയ സർക്കാർ ‘പഴയ ഭാരങ്ങളൊന്നും’ പേറുന്നില്ലെന്നും, ഇന്ത്യയുമായുള്ള ബന്ധത്തിൽ വലിയ മാറ്റത്തിന് ഇത് അവസരമൊരുക്കുന്നുണ്ടെന്നും ഖനാൽ പറഞ്ഞു. ഇന്ത്യയാണ് നേപ്പാളിന്റെ ഏറ്റവും പ്രധാനപ്പെട്ട പങ്കാളിയെന്നും അദ്ദേഹം കൂട്ടിച്ചേർത്തു.
Story Summary
During his three-day visit to New Delhi, Nepalese Foreign Minister Shishir Khanal emphasized that Nepal’s new government is committed to strengthening ties with India, free from “old baggage.” External Affairs Minister S. Jaishankar reaffirmed India’s commitment to mutual prosperity, amid ongoing efforts to move past recent boundary-related controversies.
