ന്യൂഡൽഹി: ഇന്ത്യയുടെ എഥനോൾ ബ്ലെൻഡിംഗ് പദ്ധതി പൂർണ്ണമായും സുരക്ഷിതമാണെന്നും ഉപഭോക്തൃ സൗഹൃദമാണെന്നും കേന്ദ്ര സർക്കാർ. E20 ഇന്ധനം ഉപയോഗിക്കുന്നത് വാഹനങ്ങളുടെ ഇൻഷുറൻസ് പോളിസികളെ ബാധിക്കുമെന്ന തരത്തിൽ ഉയരുന്ന വാർത്തകൾ അടിസ്ഥാനരഹിതമാണെന്ന് പെട്രോളിയം മന്ത്രാലയം പുറത്തിറക്കിയ വാർത്താക്കുറിപ്പിൽ അറിയിച്ചു.(Ethanol Blending Programme, Government Clarifies E20 Ethanol Fuel Use Does Not Affect Vehicle Insurance)
എഥനോൾ മിശ്രിത ഇന്ധനം ഉപയോഗിച്ചാൽ വാഹനങ്ങൾക്ക് ഇൻഷുറൻസ് പരിരക്ഷ ലഭിക്കില്ലെന്ന രീതിയിൽ സോഷ്യൽ മീഡിയയിലും മറ്റും നടക്കുന്ന പ്രചാരണങ്ങൾ തെറ്റാണെന്ന് ബന്ധപ്പെട്ടവരുമായി നടത്തിയ ചർച്ചയിൽ വ്യക്തമായതായി മന്ത്രാലയം അറിയിച്ചു. ഇത്തരം അവകാശവാദങ്ങൾക്ക് യാതൊരുവിധ അടിസ്ഥാനവുമില്ല.
എഥനോൾ ബ്ലെൻഡിംഗ് എന്നത് ലോകമെമ്പാടും അംഗീകരിക്കപ്പെട്ട ഒരു രീതിയാണെന്നും, അമേരിക്ക, ബ്രസീൽ, ജപ്പാൻ തുടങ്ങിയ രാജ്യങ്ങളിൽ ഇത് വിജയകരമായി നടപ്പിലാക്കുന്നുണ്ടെന്നും മന്ത്രാലയം ചൂണ്ടിക്കാട്ടി. സാമ്പത്തികമായും പാരിസ്ഥിതികമായും ഏറെ ഗുണകരമായ പദ്ധതിയാണിത്. ഇന്ധന ഇറക്കുമതി കുറയ്ക്കുന്നതിനും കാർഷിക വരുമാനം വർദ്ധിപ്പിക്കുന്നതിനും എഥനോൾ മിശ്രിത പദ്ധതി സഹായകമാകുന്നു. പദ്ധതിയുടെ സുരക്ഷയെക്കുറിച്ചോ ഇൻഷുറൻസിനെക്കുറിച്ചോ ഉള്ള അനാവശ്യ ആശങ്കകൾ വച്ചുപുലർത്തേണ്ടതില്ലെന്നും സർക്കാർ വ്യക്തമാക്കി.
Story Summary
The Indian government has clarified that the use of E20 fuel under the national ethanol blending programme will not affect vehicle insurance validity, dismissing concerns as incorrect. The Ministry of Petroleum emphasized that ethanol blending is a safe, economically beneficial, and globally accepted practice already successful in countries like Brazil, the US, and Japan.
