മുംബൈ: ബോളിവുഡ് നടൻ അർജുൻ കപൂറിനെ ലക്ഷ്യം വെച്ചുള്ള തുടർച്ചയായ സൈബർ ആക്രമണങ്ങൾക്കെതിരെ രൂക്ഷമായ പ്രതികരണവുമായി ഗായിക ചിന്മയി ശ്രീപദ. തന്റെ അമ്മ മോന ഷൗരി കപൂറിന്റെ ജന്മദിനത്തോടനുബന്ധിച്ച് അർജുൻ പങ്കുവെച്ച വൈകാരികമായ പോസ്റ്റിന് താഴെയും അധിക്ഷേപങ്ങൾ തുടർന്ന പശ്ചാത്തലത്തിലാണ് ചിന്മയി രംഗത്തെത്തിയത്. “ഈ പുരുഷന്മാർ വെറും മാലിന്യങ്ങളാണ്” (These men are trash) എന്നാണ് അർജുനെ പരിഹസിക്കുന്നവരെ ഉദ്ദേശിച്ച് ചിന്മയി സോഷ്യൽ മീഡിയയിൽ കുറിച്ചത്.
These men are trash. https://t.co/0qgdcuwurp
— Chinmayi Sripaada (@Chinmayi) February 5, 2026
ജീവിതം തനിക്ക് ഈയിടെയായി ‘ക്രൂരമായിരുന്നു’ എന്ന് അർജുൻ തന്റെ പോസ്റ്റിൽ കുറിച്ചിരുന്നു. ഇതിനെ ശരിവെച്ചുകൊണ്ട്, താരത്തിന്റെ പരാജയങ്ങളെയും വ്യക്തിജീവിതത്തെയും വേട്ടയാടുന്നവർക്കെതിരെ ആരാധകരും വലിയ പ്രതിഷേധത്തിലാണ്.
View this post on Instagram
അർജുന്റെ ഓരോ പോസ്റ്റിന് താഴെയും എത്തി അദ്ദേഹത്തിന്റെ അഭിനയത്തെയും രൂപത്തെയും കളിയാക്കുന്നത് വെറും തമാശയല്ല, മറിച്ച് മാനസികമായ ക്രൂരതയാണെന്ന് ചിന്മയി ചൂണ്ടിക്കാട്ടി. ഏതെങ്കിലും ഒരു വ്യക്തിക്ക് എന്തെങ്കിലും സംഭവിച്ചാൽ അതിന്റെ ഉത്തരവാദിത്തം സ്ത്രീകളിൽ ചാരാൻ വെമ്പുന്നവർ, ആ വ്യക്തിയെ മാസങ്ങളോളം മാനസികമായി തളർത്തുന്ന സൈബർ ബുള്ളിയിംഗിനെ അവഗണിക്കുകയാണെന്നും വിമർശനം ഉയർന്നു. അന്തരിച്ച നടൻ സുശാന്ത് സിംഗ് രാജ്പുത്തിന്റെ അവസാന പോസ്റ്റുകളുമായി അർജുന്റെ പോസ്റ്റിന് സാമ്യമുണ്ടെന്ന് ആരാധകർ ആശങ്ക പ്രകടിപ്പിച്ചതോടെയാണ് ഈ വിഷയം വലിയ ചർച്ചയായത്. ഹൃത്വിക് റോഷൻ, മലൈക അറോറ തുടങ്ങിയ പ്രമുഖരും അർജുന് പിന്തുണയുമായി എത്തിയിട്ടുണ്ട്.
Summary: Singer Chinmayi Sripada slammed online trolls for harassing actor Arjun Kapoor after his emotional tribute to his late mother, calling the perpetrators “trash” and highlighting the severity of persistent cyberbullying.
