ബന്ദ: ഉത്തർപ്രദേശിലെ ബന്ദ ജില്ലയിൽ സോഷ്യൽ മീഡിയാ ഭ്രമം യുവതിയുടെ ജീവനെടുത്തു. ആത്മഹത്യ ചെയ്യുന്ന രംഗം റീൽസിനായി ചിത്രീകരിക്കുന്നതിനിടെ അബദ്ധത്തിൽ കുരുക്ക് മുറുകിയാണ് 27-കാരിയായ മോഹിനി മരണപ്പെട്ടത് (Woman Accidentally Hangs Herself). വീട്ടിൽ തനിച്ചായിരുന്ന സമയത്ത് മൊബൈൽ ഫോൺ ക്യാമറ ഓൺ ചെയ്ത് വെച്ച് സ്റ്റൂളിന് മുകളിൽ കയറി ആത്മഹത്യാ രംഗം അഭിനയിക്കുകയായിരുന്നു യുവതി. എന്നാൽ ചിത്രീകരണത്തിനിടെ സ്റ്റൂൾ മറിയുകയും കഴുത്തിലെ കുരുക്ക് മുറുകുകയും ചെയ്തതോടെ നിമിഷങ്ങൾക്കുള്ളിൽ മരണം സംഭവിക്കുകയായിരുന്നു.
വീട്ടിലുണ്ടായിരുന്ന നാല് വയസ്സുകാരിയായ മകളാണ് അമ്മ തൂങ്ങിനിൽക്കുന്നത് ആദ്യം കണ്ടത്. കുട്ടിയുടെ നിലവിളി കേട്ട് ഓടിയെത്തിയ നാട്ടുകാർ ഉടൻ തന്നെ പോലീസിൽ വിവരമറിയിച്ചു. പോലീസ് എത്തി മൃതദേഹം താഴെയിറക്കി പോസ്റ്റ്മോർട്ടത്തിന് അയച്ചു. റീൽസുകൾക്കും ഷോർട്ട് വീഡിയോകൾക്കും വേണ്ടി സുരക്ഷാ മുൻകരുതലുകൾ ഇല്ലാതെ ഇത്തരം സാഹസങ്ങൾ കാട്ടുന്നത് വലിയ അപകടങ്ങൾക്ക് കാരണമാകുമെന്ന് പോലീസ് ജനങ്ങൾക്ക് മുന്നറിയിപ്പ് നൽകി. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.
Summary: A 27-year-old woman named Mohini in Uttar Pradesh’s Banda district accidentally died while filming a suicide scene for an Instagram reel. The tragedy came to light when her four-year-old daughter found her and alerted the neighbors.
