മത്സ്യബന്ധന ബോട്ടിൽ കപ്പലിടിച്ച് രണ്ടുപേരെ കാണാതായി
May 13, 2024, 07:30 IST
പൊന്നാനി: മത്സ്യബന്ധന ബോട്ടിൽ കപ്പൽ ഇടിച്ച് രണ്ടുപേരെ കാണാതായി. ബോട്ടിലുണ്ടായിരുന്ന ആറുപേരിൽ നാലുപേരെ കപ്പലിലുണ്ടായിരുന്നവർ രക്ഷപെടുത്തി. രണ്ടുപേരെ കാണാതായി. പൊന്നാനി സ്വദേശികളായ സലാം, ഗഫൂർ എന്നിവരെയാണ് കാണാതായത്. ഇന്ന് പുലർച്ചെ അഴീക്കൽ സ്വദേശി മരക്കാട്ട് നൈനാറിന്‍റെ ഉടമസസ്ഥതയിലുള്ള ഇസ്‌ലാഹി എന്ന ബോട്ടാണ് അപകടത്തിൽപ്പെട്ടത്. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞു. കാണാതായവരെ കണ്ടെത്താനുള്ള തെരച്ചിൽ തുടരുകയാണ്.