കോഴിക്കോട്: ജില്ലയിൽ വെവ്വേറെയിടങ്ങളിലായി രണ്ട് പേർക്ക് പാമ്പുകടിയേറ്റു. പേരാമ്പ്ര കണ്ണിപ്പൊയിലിൽ ശിവദാസന്റെ മകൾ അഞ്ജലി, പൂനൂർ സ്വദേശി മുഹമ്മദ് അൻസാർ എന്നിവരെയാണ് പാമ്പുകടിയേറ്റ നിലയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്.(Two people bitten by snakes in Kozhikode, Concern is growing in the state)
അഞ്ജലിയെ അതീവ വിഷമുള്ള ശംഖുവരയൻ പാമ്പാണ് കടിച്ചത്. വീടിനുള്ളിൽ വെച്ചാണ് പാമ്പുകടിയേറ്റതെന്നാണ് വിവരം. മുഹമ്മദ് അൻസാറിന് ഇന്ന് പുലർച്ചെയാണ് പാമ്പുകടിയേറ്റത്. ഉറങ്ങിക്കിടക്കുന്നതിനിടെ കിടക്കയിൽ പാമ്പിനെ കണ്ടതിനെത്തുടർന്ന് നടത്തിയ പരിശോധനയിലാണ് തനിക്ക് കടിയേറ്റ വിവരം അൻസാർ തിരിച്ചറിഞ്ഞത്.
കഴിഞ്ഞ ദിവസങ്ങളിൽ സംസ്ഥാനത്ത് രണ്ട് പേർ പാമ്പുകടിയേറ്റ് മരിച്ചത് ജനങ്ങൾക്കിടയിൽ വലിയ ആശങ്കയുണ്ടാക്കിയിട്ടുണ്ട്. ഇടുക്കി കാഞ്ഞാർ സ്വദേശി വിശാലാക്ഷി (75) വീടിന് സമീപത്ത് വെച്ച് പാമ്പുകടിയേറ്റ് മരിച്ചു. കണ്ണൂർ തളിപ്പറമ്പ് പട്ടുവം സ്വദേശിനി നബീസ (70) ചികിത്സയിലിരിക്കെയാണ് മരിച്ചത്.
