കൊല്ലം: ചിതറ ഓയിൽ പാം എസ്റ്റേറ്റിൽ ജോലിക്കിടെ എണ്ണപ്പന കടപുഴകി വീണ് വനിതാ തൊഴിലാളി മരിച്ചു. വിളക്കുപാറ തടത്തിൽ പുത്തൻവീട്ടിൽ സരിത ആണ് മരിച്ചത്. ചിതറ ഓയിൽ പാം ഇന്ത്യ ലിമിറ്റഡിന്റെ എസ്റ്റേറ്റിൽ ഉച്ചയോടെയായിരുന്നു അപകടം.(Tragedy at Chitara Oil Palm Estate, Worker dies after oil palm falls on her )
എസ്റ്റേറ്റിലെ കരാർ തൊഴിലാളിയായ സരിത ജോലി ചെയ്തുകൊണ്ടിരിക്കെ സമീപത്തുണ്ടായിരുന്ന ഈട്ടി മരം ഒടിഞ്ഞ് എണ്ണപ്പനയുടെ മുകളിലേക്ക് വീഴുകയായിരുന്നു. മരത്തിന്റെ ഭാരം താങ്ങാനാകാതെ എണ്ണപ്പന കടപുഴകി സരിതയുടെ ദേഹത്തേക്ക് പതിച്ചു. സരിതയെ ഉടൻ തന്നെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
