എറണാകുളം: വൈദ്യുതി ബിൽ അടയ്ക്കുന്നതിൽ വീഴ്ച വരുത്തിയതിനെത്തുടർന്ന് ആലുവയിലെ സെൻട്രൽ ജിഎസ്ടി ഓഫീസിലെ കണക്ഷൻ കെഎസ്ഇബി വിച്ഛേദിച്ചു. ഇന്ന് രാവിലെ ഓഫീസിലെത്തിയ കെഎസ്ഇബി ജീവനക്കാർ ഫ്യൂസ് ഊരുകയായിരുന്നു. ഇതോടെ ഓഫീസിന്റെ ദൈനംദിന പ്രവർത്തനങ്ങൾ തടസ്സപ്പെട്ടു.(Rs 70,000 dues, KSEB pulls the fuse at the Central GST Office)
ഏകദേശം 70,000 രൂപയോളമാണ് വൈദ്യുതി ബിൽ ഇനത്തിൽ ജിഎസ്ടി ഓഫീസ് കെഎസ്ഇബിക്ക് നൽകാനുള്ളത്. ഈ സാഹചര്യത്തിലാണ് കർശന നടപടിയിലേക്ക് നീങ്ങിയതെന്ന് കെഎസ്ഇബി അറിയിച്ചു.
