കെഎസ്ആര്‍ടിസി ബസില്‍ നഴ്‌സിന് നേരേ അതിക്രമം; യുവാവ് പിടിയില്‍
Sat, 27 May 2023
തിരുവനന്തപുരം: കെഎസ്ആര്‍ടിസി ബസില്‍ യുവതിക്ക് നേരേ അതിക്രമം. സംഭവത്തില്‍ കാഞ്ഞിരംകുളം സ്വദേശി രഞ്ജിത്ത് എന്ന 32-കാരനെ അറസ്റ്റ് ചെയ്തു. ഡ്യൂട്ടി കഴിഞ്ഞ് വീട്ടിലേയ്ക്ക് മടങ്ങിയ നഴ്‌സിന് നേരെയാണ് അതിക്രമമുണ്ടായത്. വെള്ളിയാഴ്ച രാത്രി 10ന് കാഞ്ഞിരംകുളം-പൂവാര്‍ റൂട്ടിലോടുന്ന ബസിലായിരുന്നു സംഭവം നടന്നത്.
ഇയാള്‍ നിരന്തരം ശല്യം തുടര്‍ന്നതോടെ യുവതി ബന്ധുക്കളെ വിവരം അറിയിക്കുകയായിരുന്നു. ഇവരെത്തി ബസ് തടഞ്ഞുനിര്‍ത്തിയാണ് പ്രതിയെ പിടികൂടി പോലീസിന് കൈമാറിയത്.