തിരുവനന്തപുരം: നെടുമങ്ങാട് ഒന്നര വയസ്സുകാരൻ മരിച്ച സംഭവത്തിൽ പ്രതി അഷ്കർ കുറ്റം സമ്മതിച്ചു. കുഞ്ഞിനെ ക്രൂരമായി മർദിച്ചെന്നും ലൈറ്റർ ഉപയോഗിച്ച് കാലിൽ പൊള്ളിച്ചെന്നും പ്രതി പൊലീസിനോട് സമ്മതിച്ചു. സംഭവത്തിൽ കുട്ടിയുടെ അമ്മ അഖിലയ്ക്കെതിരെയും പൊലീസ് കേസെടുക്കും.(Nedumangad child death Accused Confesses)
കുട്ടിയുടെ ശരീരത്തിൽ ആകെ 91 മുറിവുകൾ ഉണ്ടെന്നാണ് പോസ്റ്റ്മോർട്ടം റിപ്പോർട്ടിൽ പറയുന്നത്. നെഞ്ചിനും തലയ്ക്കുമേറ്റ ഗുരുതരമായ ക്ഷതമാണ് മരണകാരണം. ശരീരത്തിലെ വാരിയെല്ലുകൾ ഒടിഞ്ഞ നിലയിലായിരുന്നു. കൈ ഒടിഞ്ഞത് പടിയിൽ നിന്ന് വീണാണെന്നാണ് അമ്മയും അഷ്കറും മൊഴി നൽകിയതെങ്കിലും, ഇതിൽ ദുരൂഹതയുണ്ടെന്ന് പൊലീസ് സംശയിക്കുന്നു. കുട്ടിയുടെ കൈ ഒടിഞ്ഞതിന് ശേഷം 12 ദിവസത്തിന് ശേഷമാണ് ആശുപത്രിയിൽ കൊണ്ടുപോയതെന്ന വിവരവും പുറത്തുവന്നിട്ടുണ്ട്.
കുഞ്ഞിനെ മർദിക്കുന്നതിന് അമ്മ അഖിലയുടെ മൗനസമ്മതം ഉണ്ടായിരുന്നതായി അന്വേഷണത്തിൽ കണ്ടെത്തിയിട്ടുണ്ട്. അഷ്കറുമായി ഒരുമിച്ച് താമസിക്കുന്നതിന് കുഞ്ഞ് ഒരു തടസ്സമായിരുന്നെന്ന് പ്രതി മൊഴി നൽകി. ഈ സാഹചര്യത്തിൽ അഖിലയ്ക്കെതിരെ പ്രേരണാകുറ്റം ചുമത്തുമെന്നും, ഇരുവർക്കുമെതിരെ എസ്സി-എസ്ടി അതിക്രമം തടയൽ നിയമപ്രകാരമുള്ള വകുപ്പുകൾ കൂടി ഉൾപ്പെടുത്തുമെന്നും പൊലീസ് വ്യക്തമാക്കി. അഷ്കർ തന്റെ ആദ്യ ഭാര്യയെ ക്രൂരമായി മർദിച്ച് ശരീരം തളർത്തിയ സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. കൂടാതെ, അഷ്കറിനൊപ്പം താമസിച്ചിരുന്ന ചിറയിൻകീഴ് സ്വദേശിയായ മറ്റൊരു യുവതിയുടെ മരണത്തിലും ദുരൂഹതയുണ്ടെന്ന സംശയത്താൽ പൊലീസ് വിശദമായ അന്വേഷണം നടത്തും.
Story Summary
Ashkar, the prime accused in the death of a one-and-a-half-year-old child in Nedumangad, has confessed to physically abusing the toddler, who succumbed to severe injuries including 91 wounds on their body. While the mother faces charges of abetment, police are also investigating Ashkar’s past, including the violent assault on his first wife and the suspicious death of a former partner.
