ദോഹ: ഖത്തർ തലസ്ഥാനമായ ദോഹയിൽ ജോലി ചെയ്തുവരികയായിരുന്ന കോട്ടയം സ്വദേശി താമസസ്ഥലത്ത് കുഴഞ്ഞുവീണു മരിച്ചു (Kottayam Native Dead Qatar). കൂട്ടിക്കൽ ടൗണിലെ വസ്ത്രവ്യാപാര സ്ഥാപന ഉടമകളായിരുന്ന പരേതരായ ഇടത്തുംകുന്നേൽ എ.എ. പരീക്കുട്ടിയുടെയും കെ.കെ. ജമീലയുടെയും മകൻ ഇ.പി. ഷെമീർ (ഷാമോൻ- 51) ആണ് അന്തരിച്ചത്. ചൊവ്വാഴ്ച രാവിലെ താമസസ്ഥലത്ത് വെച്ച് പെട്ടെന്ന് കുഴഞ്ഞുവീണ ഷെമീറിനെ ഉടൻ തന്നെ സുഹൃത്തുക്കൾ ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ദോഹയിലെ പ്രമുഖ സ്ഥാപനമായ അൽ ഫുത്തയിൻ വെഹിക്കിൾ റെന്റൽസിൽ (AVR) മെസെഞ്ചറായി ദീർഘകാലമായി ജോലിചെയ്തുവരികയായിരുന്നു ഇദ്ദേഹം. മിസ്ബ, മിൻഹ, മാസിൻ എന്നിവരാണ് മക്കൾ. മംഗളം എക്സിക്യൂട്ടീവ് എഡിറ്റർ ഇ.പി. ഷാജുദീൻ, മാധ്യമം മുൻ ചീഫ് സബ് എഡിറ്റർ ഇ.പി. ഷെഫീഖ്, പരേതനായ ഇ.പി. ഷാനവാസ് (ഷാനി) എന്നിവർ സഹോദരങ്ങളാണ്. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. നിയമപരമായ തുടർനടപടികൾ പൂർത്തിയാക്കി മൃതദേഹം എത്രയും വേഗം കോട്ടയത്തെ നാട്ടിലെത്തിക്കാനുള്ള ശ്രമങ്ങൾ ദോഹയിലെ പ്രവാസി കൂട്ടായ്മകളുടെ നേതൃത്വത്തിൽ പുരോഗമിക്കുന്നു.
Story Summary:
E.P. Shemeer (51), a native of Kottayam, Kerala, passed away after collapsing at his residence in Doha, Qatar, where he was working for Al Futtaim Vehicle Rentals. He is the brother of prominent media professionals E.P. Shajudeen and E.P. Shefeeq.
