കൊച്ചി: എറണാകുളം കരിമുകൾ സ്വദേശിയായ പതിനാലുകാരി നിഹാല ഫാത്തിമയെ കാണാനില്ലെന്ന് പരാതി (Kochi missing girl). കരിമുകൾ സ്വദേശി അഫ്സലിന്റെ മകളായ നിഹാലയെ ചൊവ്വാഴ്ച രാത്രി പത്തരയോടെയാണ് വീട്ടിൽ നിന്നും കാണാതായത്.പഠനത്തെ ചൊല്ലിയോ മറ്റോ മാതാവുമായി ചെറിയ വഴക്കുണ്ടായതിനെ തുടർന്ന് കുട്ടി ബാഗും എടുത്ത് വീട്ടിൽ നിന്നും ഇറങ്ങിപ്പോകുകയായിരുന്നുവെന്ന് കരുതുന്നു.
കുട്ടി ഏതെങ്കിലും വാഹനത്തിൽ കയറിപ്പോയിട്ടുണ്ടോ എന്ന സംശയത്തിലാണ് പോലീസ്. പ്രദേശത്തെയും പരിസരത്തെയും സിസിടിവി ദൃശ്യങ്ങൾ കേന്ദ്രീകരിച്ച് അമ്പലമേട് പോലീസ് അന്വേഷണം ആരംഭിച്ചു. കുട്ടിയുടെ സുഹൃത്തുക്കളെയും ബന്ധുവീടുകളെയും കേന്ദ്രീകരിച്ചും തിരച്ചിൽ നടക്കുന്നുണ്ട്. കുട്ടിയെക്കുറിച്ച് എന്തെങ്കിലും വിവരം ലഭിക്കുന്നവർ പോലീസിനെ അറിയിക്കണമെന്ന് അധികൃതർ അഭ്യർത്ഥിച്ചു.
Story Summary: A 14-year-old schoolgirl, Nihala Fathima, has gone missing from her home in Karimugal, Kochi, since Tuesday night. Following a minor dispute with her mother, she reportedly left the house with a bag, and police are currently tracking CCTV footage to locate her.
