കണ്ണൂർ: വിവാഹ ദിവസം പുലർച്ചെ വരനെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. കണ്ണൂർ ചക്കരക്കൽ പോലീസ് സ്റ്റേഷൻ പരിധിയിലെ ഏച്ചൂർ മാവിലാച്ചാലിൽ ‘നാരായണീയത്തിൽ’ ഷബിൻ (29) ആണ് മരിച്ചത്. തിങ്കളാഴ്ച വിവാഹം നടക്കാനിരിക്കെയാണ് അപ്രതീക്ഷിതമായി ഈ ദാരുണ സംഭവം ഉണ്ടായത്.(Kannur Groom Suicide, Shabin Found Dead On Wedding Day Eachur Chakkarakkal Police Investigate)
ജമ്മു കശ്മീരിൽ എസ് എസ് ബി ബോർഡർ പോലീസായി ജോലി ചെയ്തു വരികയായിരുന്നു ഷബിൻ. വിവാഹവുമായി ബന്ധപ്പെട്ട് നാട്ടിലെത്തിയതായിരുന്നു അദ്ദേഹം. വരനെ സ്വീകരിക്കാനും വിവാഹ ചടങ്ങുകൾക്കുമായി വീടും ബന്ധുക്കളും ഒരുങ്ങിനിൽക്കുന്നതിനിടയിലാണ് പുലർച്ചെയോടെ ഷബിനെ കിടപ്പുമുറിയിൽ മരിച്ച നിലയിൽ കണ്ടെത്തിയത്.
വിവാഹ വീടായ നാരായണീയത്തിൽ അവിചാരിതമായി എത്തിയ ഈ വൻ ദുരന്തം ഏച്ചൂർ ഗ്രാമത്തെ മുഴുവൻ ആകെ നടുക്കത്തിലാഴ്ത്തിയിരിക്കുകയാണ്. മരണത്തിലേക്ക് നയിച്ച കാരണം എന്താണെന്ന് വ്യക്തമായിട്ടില്ല. സംഭവമറിഞ്ഞ് സ്ഥലത്തെത്തിയ ചക്കരക്കൽ പോലീസ് ഇൻക്വസ്റ്റ് നടപടികൾ പൂർത്തിയാക്കി.
Story Summary
A 29-year-old groom named Shabin, working as an SSB Border Police officer in Jammu & Kashmir, was found hanging at his residence in Eachur, Kannur, on the day of his wedding. Chakkarakkal police have launched an investigation.
