തിരുവനന്തപുരം: പ്രൗഢഗംഭീരമായ ചടങ്ങുകളോടെ വി.ഡി. സതീശൻ മന്ത്രിസഭ അധികാരമേറ്റപ്പോൾ, സത്യപ്രതിജ്ഞാ ചടങ്ങിലെ ഭാഷാപരമായ തെരഞ്ഞെടുപ്പുകൊണ്ട് ശ്രദ്ധേയനായി മുതിർന്ന കോൺഗ്രസ് നേതാവ് കെ. മുരളീധരൻ. മുഖ്യമന്ത്രി വി.ഡി. സതീശൻ ഉൾപ്പെടെ മന്ത്രിസഭയിലെ മറ്റെല്ലാ അംഗങ്ങളും തങ്ങളുടെ മാതൃഭാഷയായ മലയാളത്തിൽ സത്യവാചകം ചൊല്ലിയപ്പോൾ, കെ. മുരളീധരൻ മാത്രം ഇംഗ്ലീഷ് ഭാഷയിലാണ് സത്യപ്രതിജ്ഞ ചെയ്തത്. (K Muraleedharan Takes Oath In English IUML Ministers Sworn In Name Of God Kerala Cabinet 2026)
ഭാഷാപരമായ ഈ വേറിട്ട നിലപാടിനൊപ്പം ഇത്തവണത്തെ യു.ഡി.എഫ് മന്ത്രിസഭയുടെ സത്യപ്രതിജ്ഞയിൽ മറ്റൊരു സുപ്രധാന മാറ്റത്തിനും രാജ്ഭവൻ വേദിയായി. മുസ്ലിം ലീഗ് മന്ത്രിമാരുടെ സത്യപ്രതിജ്ഞാ ശൈലിയിലുണ്ടായ മാറ്റമായിരുന്നു അത്. ഇത്തവണ വി.ഡി. സതീശൻ മന്ത്രിസഭയിലെ ലീഗ് മന്ത്രിമാരെല്ലാം ‘ദൈവനാമത്തിൽ’ ആണ് സത്യപ്രതിജ്ഞ ചെയ്തത് എന്നത് ശ്രദ്ധേയമായ ഒരു രാഷ്ട്രീയ മാറ്റമായി വിലയിരുത്തപ്പെടുന്നു.
മന്ത്രിസഭയിൽ മുഖ്യമന്ത്രിക്ക് പിന്നാലെ രണ്ടാമനായി മുസ്ലിം ലീഗ് നിയമസഭാ കക്ഷി നേതാവ് പി.കെ. കുഞ്ഞാലിക്കുട്ടിയും, തുടർന്ന് ലീഗ് പ്രതിപ്രതിനിധികളായ എൻ. ഷംസുദ്ദീൻ, കെ.എം. ഷാജി, പി.കെ. ബഷീർ, വി.എ. അബ്ദുൾ ഗഫൂർ എന്നിവരും ദൈവനാമത്തിലാണ് സത്യപ്രതിജ്ഞ പൂർത്തിയാക്കിയത്. മുഖ്യമന്ത്രിയും കെ. മുരളീധരനും ലീഗ് മന്ത്രിമാരും ഉൾപ്പെടെ മന്ത്രിസഭയിലെ 19 പേരും ദൈവനാമത്തിൽ സത്യപ്രതിജ്ഞ ചെയ്തപ്പോൾ, ആർ.എസ്.പി (RSP) നേതാവ് ഷിബു ബേബി ജോണും സി.എം.പി (CMP) നേതാവ് സി.പി. ജോണും മാത്രമാണ് ഇതിൽ നിന്നും വ്യത്യസ്തമായി ‘സഗൗരവം’ സത്യവാചകം ചൊല്ലി അധികാരമേറ്റത്. മുഖ്യമന്ത്രി വി.ഡി. സതീശൻ, പി.കെ. കുഞ്ഞാലിക്കുട്ടി, രമേശ് ചെന്നിത്തല, സണ്ണി ജോസഫ്, കെ. മുരളീധരൻ, മോൻസ് ജോസഫ്, അനൂപ് ജേക്കബ്, എ.പി. അനിൽകുമാർ, എൻ. ഷംസുദ്ദീൻ, പി.സി. വിഷ്ണുനാഥ്, റോജി എം. ജോൺ, ബിന്ദു കൃഷ്ണ, എം. ലിജു, കെ.എം. ഷാജി, പി.കെ. ബഷീർ, വി.എ. അബ്ദുൾ ഗഫൂർ, ടി. സിദ്ദിഖ്, കെ.എ. തുളസി, ഒ.ജെയനീഷ് എന്നിവരടങ്ങിയ 19 പേരാണ് ദൈവനാമത്തിൽ സത്യപ്രതിജ്ഞ ചെയ്തത്. മുഖ്യമന്ത്രിക്ക് പിന്നാലെ രണ്ടാമനായി പി.കെ. കുഞ്ഞാലിക്കുട്ടിയും, ഏറ്റവും ഒടുവിലായി യുവനേതാവ് ഒ.ജെ. ജനീഷും സത്യവാചകം ചൊല്ലി ചടങ്ങുകൾ പൂർത്തിയാക്കി.
Story Summary
Senior Congress leader K Muraleedharan stood out by taking his official oath in English, while all other ministers used Malayalam. In another notable shift, all IUML ministers took their oath ‘in the name of God’ instead of ‘Almighty Allah’ as in previous years.
