കോഴിക്കോട്: സംസ്ഥാനത്ത് ആശങ്കയുയർത്തിയ നിപാ രോഗബാധ ഇതുവരെ മറ്റാരിലേക്കും വ്യാപിച്ചിട്ടില്ലെന്നും സ്ഥിതിഗതികൾ പൂർണ്ണമായും നിയന്ത്രണവിധേയമാണെന്നും ആരോഗ്യമന്ത്രി കെ. മുരളീധരൻ (Health Minister K Muraleedharan Nipah). നിപാ പ്രതിരോധത്തിന് ആവശ്യമായ ഒരു പ്രത്യേക മരുന്ന് മാത്രമാണ് ഇനി വരാനുള്ളതെന്നും അത് ഇന്ന് വൈകുന്നേരത്തോടെ ഡൽഹിയിൽ നിന്നും പ്രത്യേക വിമാനത്തിൽ കോഴിക്കോട്ട് എത്തിക്കുമെന്നും മന്ത്രി അറിയിച്ചു. നിലവിൽ ഹൈ റിസ്ക് കാറ്റഗറിയിൽ (High-risk category) ഉള്ളവരുടേത് ഉൾപ്പെടെയുള്ള പരിശോധനാ ഫലങ്ങൾ നെഗറ്റീവാണെന്നത് വലിയ ആശ്വാസമാണെന്നും അദ്ദേഹം കൂട്ടിച്ചേർത്തു.
കോഴിക്കോട് താൻ സന്ദർശിച്ചില്ലെന്ന പ്രതിപക്ഷ നേതാവ് പിണറായി വിജയന്റെ വിമർശനങ്ങൾ പൂർണ്ണമായും രാഷ്ട്രീയ പ്രേരിതമാണെന്ന് മന്ത്രി മുരളീധരൻ തിരിച്ചടിച്ചു. “നിപാ റിപ്പോർട്ട് ചെയ്ത ആദ്യ സമയത്ത് തന്നെ ഞാൻ കോഴിക്കോട് നേരിട്ടെത്തി കാര്യങ്ങൾ വിലയിരുത്തിയിരുന്നു. ഇപ്പോൾ ഞാൻ കോഴിക്കോട് ക്യാമ്പ് ചെയ്യുന്നില്ല എന്നത് വെറും രാഷ്ട്രീയ വിമർശനം മാത്രമാണ്. ഇത്തരം ഒരു ആരോഗ്യ അടിയന്തിരാവസ്ഥയുടെ ഘട്ടത്തിൽ പ്രതിപക്ഷം സ്വീകരിക്കുന്ന സമീപനം അങ്ങേയറ്റം ദൗർഭാഗ്യകരമാണ്. ഇതൊരു വീണുകിട്ടിയ രാഷ്ട്രീയ ആയുധം പോലെ കണ്ട് പെരുമാറുന്നത് ശരിയല്ല. സംസ്ഥാനത്തിന്റെ ഒട്ടാകെ കാര്യങ്ങൾ നോക്കേണ്ട ഉത്തരവാദിത്തം ഉള്ളതിനാലാണ് ഒരിടത്ത് മാത്രം തങ്ങാത്തത്. പ്രതിപക്ഷത്തിന് എന്തും പറയാം, കഴിഞ്ഞ പത്തുവർഷം ഭരിച്ചു മുടിച്ച് ജനങ്ങൾ അധികാരത്തിൽ നിന്നും പുറത്താക്കിയവർ പറയുന്നത് ഞങ്ങൾ കാര്യമായി എടുക്കുന്നില്ല,” മന്ത്രി വ്യക്തമാക്കി.
ഡിഎച്ച്എസ് (DHS) മാറ്റം: സർക്കാരിനോട് ആലോചിക്കാതെ നടപടി
ആരോഗ്യവകുപ്പ് ഡയറക്ടറുടെ (DHS) അപ്രതീക്ഷിത മാറ്റവുമായി ബന്ധപ്പെട്ട വിവാദങ്ങളിലും മന്ത്രി കെ. മുരളീധരൻ വ്യക്തത വരുത്തി. “ഡയറക്ടറുടെ ഔദ്യോഗിക കാലാവധി മൂന്ന് വർഷമാണ്. എന്നാൽ വരാനിരിക്കുന്ന ശബരിമല തീർത്ഥാടനവുമായി ബന്ധപ്പെട്ട് ഡോക്ടർമാരുടെ സേവനം വിട്ടുനൽകാൻ കഴിയില്ലെന്ന് മുഖ്യമന്ത്രി വി.ഡി. സതീശനോടോ ആരോഗ്യമന്ത്രിയായ എന്നോടോ യാതൊരുവിധ ചർച്ചയും നടത്താതെ നേരിട്ട് കത്തയച്ചത് ഗുരുതരമായ ചട്ടലംഘനമാണ്. ഹെൽത്ത് പ്രിൻസിപ്പൽ സെക്രട്ടറിയുടെ ഔദ്യോഗിക റിപ്പോർട്ടിന്റെ അടിസ്ഥാനത്തിലാണ് ഈ മാറ്റം. അവർ ലീവ് എടുത്തതല്ല പ്രശ്നം, മറിച്ച് സർക്കാരിനോട് ആലോചിക്കാതെ ഇത്തരം നിർണ്ണായകമായ ഭരണപരമായ നടപടികൾ എടുത്തതുകൊണ്ടാണ് മാറ്റിയത്,” മന്ത്രി വ്യക്തമാക്കി.
അതേസമയം, നിപാ ലക്ഷണങ്ങളോടെ ഐസൊലേഷനിൽ കഴിഞ്ഞിരുന്ന മൂന്ന് പേരുടെ പുതിയ പരിശോധനാ ഫലങ്ങൾ കൂടി നെഗറ്റീവായി പുറത്തുവന്നു. നിപാ ബാധിച്ച് ചികിത്സയിലുള്ള രോഗിയുമായി ഏറ്റവും അടുത്ത സമ്പർക്കം പുലർത്തിയവരുടെ സ്രവ സാമ്പിളുകളാണ് കോഴിക്കോട് മെഡിക്കൽ കോളേജ് ലാബിൽ പരിശോധിച്ചത്. ഇത് നെഗറ്റീവായത് ആരോഗ്യവകുപ്പിന് വലിയ ആശ്വാസം നൽകുന്നുണ്ട്.
Story Summary: Health Minister K. Muraleedharan stated that the Nipah situation is under control, and test results of high-risk contacts, including three newly tested samples at Calicut Medical College, have returned negative. He added that the remaining batch of essential medicine will arrive from Delhi by this evening. Muraleedharan strongly dismissed Opposition Leader Pinarayi Vijayan’s criticism regarding his absence in Kozhikode, calling it politically motivated. He also justified the removal of the DHS, citing unauthorized correspondence regarding Sabarimala medical duties without consulting the CM or Health Ministry.
