ആലപ്പുഴ: സി.പി.എം സംസ്ഥാന സെക്രട്ടറി എം വി ഗോവിന്ദനെതിരെ കടുത്ത ഭാഷയിൽ ആഞ്ഞടിച്ച് എംഎൽഎ ജി സുധാകരൻ. തന്നെ ‘വർഗ്ഗവഞ്ചകൻ’ എന്ന് വിളിച്ച എം വി ഗോവിന്ദനാണ് യഥാർത്ഥ വർഗ്ഗവഞ്ചകനെന്ന് സുധാകരൻ തുറന്നടിച്ചു. പാർട്ടി ഭരണഘടനയ്ക്ക് വിരുദ്ധമായി പ്രവർത്തിക്കുന്ന ആളാണ് ഗോവിന്ദൻ എന്നും ആ പദവിയിൽ ഇരിക്കാൻ അദ്ദേഹത്തിന് നാണമില്ലേയെന്നും സുധാകരൻ മാധ്യമങ്ങളോട് ചോദിച്ചു.(G Sudhakaran Launches Scathing Attack On CPM State Secretary M V Govindan Call Him Betrayer)
മലയാള ഭാഷയിൽ തെറ്റില്ലാതെ സംസാരിക്കാൻ പോലും ഗോവിന്ദന് അറിയില്ല എന്ന് അദ്ദേഹം പരിഹസിച്ചു. ഗോവിന്ദൻ വായടയ്ക്കുന്നതാണ് നല്ലത്. സി.എച്ച് കണാരൻ, ഇ.എം.എസ്, എ.കെ.ജി എന്നിവരുടെ കാലത്ത് പാർട്ടിയിൽ വന്നയാളാണ് താൻ. അന്ന് ഗോവിന്ദനൊന്നും പാർട്ടിയിലില്ല, താൻ ഇന്നുവരെ തൊഴിലാളി വർഗ്ഗത്തെയോ കൃഷിക്കാരെയോ വഞ്ചിച്ചിട്ടില്ല, ജി സുധാകരൻ പറഞ്ഞു.
താൻ കോൺഗ്രസ് എന്ന ചെളിക്കുണ്ടിൽ വീണു എന്ന പൊളിറ്റ് ബ്യൂറോ അംഗത്തിന്റെ വിമർശനത്തിനും സുധാകരൻ കൃത്യമായ മറുപടി നൽകി. കോൺഗ്രസ് ചെളിക്കുണ്ടാണെങ്കിൽ തമിഴ്നാട്ടിലും രാജസ്ഥാനിലും കോൺഗ്രസിന്റെ പിന്തുണയോടെ സീറ്റുകൾ വാങ്ങിയ സി.പി.എമ്മിന് എന്താണ് പറയാനുള്ളതെന്ന് അദ്ദേഹം ചോദിച്ചു. കേരളത്തിൽ സ്വന്തം കരുത്തിൽ ഒരൊറ്റ സീറ്റിലേക്ക് പാർട്ടിയെ എത്തിച്ച ഗോവിന്ദൻ സെക്രട്ടറി സ്ഥാനം രാജിവെയ്ക്കണമെന്നും സുധാകരൻ ആവശ്യപ്പെട്ടു.
താൻ നിലവിൽ ഒരു പാർട്ടിയിലും ഇല്ലെന്നും ഒരു സ്വതന്ത്രനാണെന്നും വ്യക്തമാക്കിയ സുധാകരൻ, നിയമസഭയിൽ മുഖ്യമന്ത്രി വി.ഡി സതീശന്റെ നല്ല കാര്യങ്ങൾക്ക് വോട്ട് ചെയ്യുമെന്നും കൂട്ടിച്ചേർത്തു. നിയമസഭയ്ക്കുള്ളിൽ വെച്ച് മുഖ്യമന്ത്രി പിണറായി വിജയനെ കെ എൻ ബാലഗോപാൽ ശകാരിച്ചിട്ടും പാർട്ടി എന്തുകൊണ്ട് നടപടിയെടുത്തില്ലെന്നും ജി സുധാകരൻ ചോദ്യമുയർത്തി.
Story Summary
Answering criticisms from CPM leaders, independent MLA G Sudhakaran launched a scathing attack on CPM State Secretary M V Govindan, calling him the real class betrayer who ruined the party’s strength. Sudhakaran stated he remains an independent, rejecting claims of joining Congress, and challenged the CPM’s double standards regarding its alliances outside Kerala.
