തിരുവനന്തപുരം: നഗരൂർ ചെങ്കിക്കുന്ന് കുറിയിടത്തുകോണത്ത് കൃഷിയിടത്തിൽ സ്ഥാപിച്ച അനധികൃത വൈദ്യുത വേലിയിൽ നിന്ന് ഷോക്കേറ്റ് അച്ഛനും മകനും മരിച്ചു. ചെങ്കിക്കുന്ന് സ്വദേശി കൊച്ചുണ്ണി, മകൻ അഖിൽ എന്നിവരാണ് മരിച്ചത്. കാട്ടുപന്നിയെ തുരത്താൻ നിയമവിരുദ്ധമായി സ്ഥാപിച്ച വൈദ്യുതി ലൈനിൽ നിന്നാണ് ഇവർക്ക് അപകടം സംഭവിച്ചത്.(Father and son die tragically after being shocked by illegal electric fence)
കഴിഞ്ഞ ദിവസം രാത്രിയിലാണ് അപകടം നടന്നതെന്ന് കരുതപ്പെടുന്നു. പുരയിടത്തിലെ കൃഷി സംരക്ഷിക്കാനാണ് വൈദ്യുത വേലി സ്ഥാപിച്ചിരുന്നത്. ഇന്ന് രാവിലെ പത്തു മണിയോടെ കൃഷിയിടത്തിൽ ജോലിക്കെത്തിയ ഗോപാലൻ എന്നയാളാണ് ഇരുവരെയും മരിച്ച നിലയിൽ കണ്ടെത്തിയത്. ഉടൻ തന്നെ പോലീസിനെ വിവരമറിയിക്കുകയായിരുന്നു.
