കൊല്ലം: ലഹരിമരുന്ന് കടത്ത് കേസിൽ അറസ്റ്റിലായി റിമാന്റിൽ കഴിയുന്ന യുവാവിന് എച്ച്.ഐ.വി സ്ഥിരീകരിച്ചു. ജയിലിൽ നടത്തിയ വൈദ്യപരിശോധനയിലാണ് രോഗം കണ്ടെത്തിയത്. ഇതേത്തുടർന്ന് പ്രതിയെ ജയിലിലെ പ്രത്യേക സെല്ലിലേക്ക് മാറ്റി.(Drug accused in Kollam tests positive for HIV during prison medical checkup)
ലഹരി ഉപയോഗത്തിനായി സുഹൃത്തുക്കൾക്കൊപ്പം ഒരേ സിറിഞ്ച് പങ്കിട്ട് ഉപയോഗിച്ചതാണ് രോഗബാധയ്ക്ക് കാരണമെന്നാണ് പ്രാഥമിക നിഗമനം. പ്രതി കടുത്ത ലഹരി ഉപയോഗത്തിന് അടിമയായിരുന്നു. പോലീസ് ഇയാളെ പിടികൂടാനെത്തിയപ്പോൾ, പഴയ ചിത്രങ്ങളുമായി താരതമ്യം ചെയ്യുമ്പോൾ തിരിച്ചറിയാൻ കഴിയാത്തവിധം ഇയാൾ ശാരീരികമായി തളർന്നിരുന്നു.
ഇതേ കേസിൽ കോളേജ് വിദ്യാർത്ഥിയായ മറ്റൊരു പ്രതിയും റിമാന്റിലാണ്. ഇവർ ഉപയോഗിച്ച സിറിഞ്ച് മറ്റുള്ളവർ ആരെങ്കിലും ഉപയോഗിച്ചിട്ടുണ്ടോ എന്നും, ലഹരി സംഘത്തിലെ മറ്റാർക്കെങ്കിലും രോഗം പകർന്നിട്ടുണ്ടോ എന്നും പോലീസ് വിശദമായി അന്വേഷിച്ചു വരികയാണ്.
Story Summary
A youth arrested in Kollam for drug trafficking has tested positive for HIV during a routine medical examination in prison, leading to his isolation in a special cell. Authorities believe the transmission occurred through the shared use of syringes among a drug-using group, prompting a wider investigation to determine if others were infected and to trace the reach of the shared equipment.
