കൊല്ലം: ദേശീയപാതയിൽ ചാത്തന്നൂർ തിരുമുക്കിൽ പുതുതായി നിർമ്മിച്ച മേൽപാതയിൽ വിള്ളൽ കണ്ടെത്തി. ഗതാഗതത്തിന് തുറന്നുകൊടുത്ത് ഏതാനും ദിവസങ്ങൾക്കുള്ളിൽ തന്നെ വിള്ളൽ രൂപപ്പെട്ടത് യാത്രക്കാരെയും നാട്ടുകാരെയും ആശങ്കയിലാഴ്ത്തിയിരിക്കുകയാണ്. സുരക്ഷാ മുൻകരുതലിന്റെ ഭാഗമായി രണ്ട് ദിവസം മുൻപ് പാതയിലൂടെയുള്ള ഗതാഗതം അധികൃതർ തടഞ്ഞു.(Crack in Chathannur flyover just days after it was opened for traffic)
തിരുമുക്ക് അടിപ്പാതയ്ക്ക് കിഴക്ക് തിരുവനന്തപുരം ഭാഗത്തേക്കുള്ള പാതയിലാണ് നീളത്തിൽ വിള്ളൽ വീണത്. പാതയുടെ ഒരു വശത്തേക്ക് അപകടകരമായ രീതിയിൽ ചരിവ് സംഭവിച്ചിട്ടുള്ളതായും നാട്ടുകാർ ആരോപിക്കുന്നു.
കനത്ത മഴയ്ക്ക് ശേഷമാണ് വിള്ളൽ പ്രത്യക്ഷപ്പെട്ടത്. ചാത്തന്നൂർ ജംഗ്ഷനിൽ നിർമ്മാണം പൂർത്തിയായ മേൽപാതയുടെ ഭാഗം നേരത്തെ കുത്തിപ്പൊളിക്കേണ്ടി വന്നിരുന്നു.
