കോഴിക്കോട്: ഫറോക്കിൽ ഇരുപത്തിയാറുകാരിയായ അതുല്യ തൂങ്ങിമരിച്ച സംഭവത്തിൽ സുഹൃത്തിനെതിരെ നടപടി വേണമെന്ന ആവശ്യവുമായി കുടുംബം (Athulya Death Case). കൊടുങ്ങല്ലൂർ സ്വദേശി അനുശ്രീക്കെതിരെയാണ് അതുല്യയുടെ ബന്ധുക്കൾ ആരോപണം ഉന്നയിച്ചിരിക്കുന്നത്. അനുശ്രീ നടത്തിയ സാമ്പത്തിക തട്ടിപ്പും അതുമൂലമുണ്ടായ മാനസിക സമ്മർദ്ദവുമാണ് മരണത്തിന് കാരണമെന്ന് കുടുംബം ആരോപിക്കുന്നു.
ബിടെക് പഠനത്തിന് ശേഷം ജോലി ചെയ്യുന്നതിനിടെ കൊച്ചിയിൽ വെച്ചാണ് അതുല്യ അനുശ്രീയെ പരിചയപ്പെടുന്നത്. ഈ സൗഹൃദം മുതലെടുത്ത് അനുശ്രീ അതുല്യയിൽ നിന്ന് വൻതോതിൽ പണവും സ്വർണ്ണവും കൈക്കലാക്കിയിരുന്നു. എന്നാൽ ഇത് തിരികെ ചോദിച്ചപ്പോൾ നൽകാതെ വഞ്ചിച്ചുവെന്നും, ഇതേത്തുടർന്ന് അതുല്യ വലിയ മാനസിക വിഷമത്തിലായിരുന്നുവെന്നും കുടുംബം പറയുന്നു. അനുശ്രീ തന്നെ ചതിച്ചതിനെക്കുറിച്ച് അതുല്യയുടേതെന്ന് കരുതുന്ന ശബ്ദസന്ദേശവും ഇപ്പോൾ പുറത്തുവന്നിട്ടുണ്ട്.
കഴിഞ്ഞ തിങ്കളാഴ്ചയാണ് ഫറോക്കിലെ വാടകവീട്ടിൽ അതുല്യയെ മരിച്ച നിലയിൽ കണ്ടെത്തിയത്. സംഭവത്തിൽ സമഗ്രമായ അന്വേഷണം ആവശ്യപ്പെട്ട് മുഖ്യമന്ത്രിക്കും ഡിജിപിക്കും പരാതി നൽകാനൊരുങ്ങുകയാണ് കുടുംബം. മരണത്തിന് കാരണമായ സാഹചര്യങ്ങളെക്കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്.
Story Summary: The family of 26-year-old Athulya, who was found dead in Feroke last Monday, has raised allegations against her friend Anushree from Kodungallur. They claim that Anushree’s failure to return borrowed money and gold led to severe mental stress, resulting in Athulya’s suicide. A voice note related to the incident has also surfaced. The family plans to petition the CM and DGP for a detailed probe.
