ആലപ്പുഴ: സംസ്ഥാനത്ത് പരക്കെ ശക്തമായ മഴയും കാറ്റും തുടരുന്നതിനിടെ ആലപ്പുഴയിൽ ഇടിമിന്നലേറ്റ് വയോധികൻ മരിച്ചു. അരൂർ കോടംതുരുത്ത് ചമ്മനാട്ടുതറയിൽ രവി (60) ആണ് മരിച്ചത്. രാവിലെ പത്ത് മണിയോടെയായിരുന്നു ദരുണമായ ഈ സംഭവം നടന്നത്.(Alappuzha Lightning Death, Elderly Man Dies Of Lightning Strike Kerala Weather Casualty)
രാവിലെ വീട്ടിൽ നിന്നും ശുചിമുറിയിലേക്ക് പോകുന്നതിനിടയിലാണ് രവിക്ക് മിന്നലേറ്റത്. അദ്ദേഹത്ത ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റുമോർട്ടം നടത്തി മൃതദേഹം ബന്ധുക്കൾക്ക് വിട്ടുനൽകും.
സംസ്ഥാനത്ത് അടുത്ത അഞ്ച് ദിവസങ്ങളിൽ ശക്തമായ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. കാർമേഘങ്ങൾ കണ്ട് തുടങ്ങുമ്പോൾ തന്നെ പൊതുജനങ്ങൾ സുരക്ഷിതമായ കെട്ടിടങ്ങൾക്കുള്ളിലേക്ക് മാറണമെന്നും മുൻകരുതലുകൾ എടുക്കുന്നതിൽ വീഴ്ച വരുത്തരുതെന്നും അധികൃതർ വീണ്ടും ഓർമ്മിപ്പിച്ചു.
Story Summary
A 60-year-old man named Ravi from Chammanattuthara in Aroor Kodamthuruthu, Alappuzha, died after being struck by lightning around 10:00 AM on Sunday. The incident occurred while he was walking to an outdoor bathroom at his residence. Although he was rushed to the Hospital immediately, he could not be saved.
