ഇടുക്കി : അടിമാലിയിൽ മണ്ണിടിച്ചിൽ ദുരന്തബാധിതർ നടത്തിവരുന്ന കുടിൽക്കെട്ടി സമരം പത്താം ദിവസത്തിലേക്ക് കടക്കുന്നു. ഇന്നലെ രാത്രി പെയ്ത കനത്ത മഴയിൽ സമരപ്പന്തലിന് തൊട്ടടുത്തുള്ള ദേശീയപാതയിലേക്ക് വീണ്ടും കല്ലും മണ്ണും പതിച്ചു.(Adimali landslide victims protest intensifies as fresh landslip occurs near protest site)
അപകടാവസ്ഥയിലുള്ള മൺതിട്ടയ്ക്ക് താഴെയാണ് ദുരന്തബാധിതർ സമരമിരിക്കുന്നത് എന്നതിനാൽ വലിയ സുരക്ഷാ ഭീഷണിയാണ് ഉയരുന്നത്. ദുരന്തത്തിന് ശേഷം അധികൃതർ തങ്ങളെ തിരിഞ്ഞുനോക്കിയില്ലെന്ന് സമരക്കാർ ആരോപിക്കുന്നു. സ്ഥലം എംഎൽഎ മാത്രമാണ് ഇതുവരെ സമരപ്പന്തലിലെത്തിയത്.
പ്രശ്നപരിഹാരത്തിനായി സർക്കാർ തലത്തിൽ നിന്ന് ആരും തന്നെ ബന്ധപ്പെടാത്തതിനാലാണ് സമരം തുടരുന്നത്. രേഖാമൂലമുള്ള ഉറപ്പ് ലഭിക്കാതെ സമരത്തിൽ നിന്ന് പിന്നോട്ടില്ലെന്നും, രണ്ട് ദിവസത്തിനകം അധികൃതർ ഇടപെട്ടില്ലെങ്കിൽ സമരം നിരാഹാര സമരത്തിലേക്ക് മാറ്റുമെന്നും സമരസമിതി മുന്നറിയിപ്പ് നൽകി.
Story Summary
Landslide victims in Adimali, Idukki, are continuing their protest for the tenth day demanding adequate compensation after the authorities failed to address their grievances. The situation has intensified as rocks and soil fell onto the National Highway near the protest site following heavy overnight rain.
