ന്യൂഡൽഹി: പശ്ചിമേഷ്യയിൽ ഇസ്രായേൽ-ഇറാൻ സംഘർഷം വീണ്ടും രൂക്ഷമായ സാഹചര്യത്തിൽ, ഇറാനിലുള്ള എല്ലാ ഇന്ത്യൻ പൗരന്മാരോടും എത്രയും വേഗം മടങ്ങാൻ ഇന്ത്യൻ എംബസി വീണ്ടും കർശന നിർദേശം നൽകി. മേഖലയിലെ ഏറ്റവും പുതിയ സാഹചര്യങ്ങൾ വിലയിരുത്തിയ ശേഷമാണ് എംബസി ഇതുസംബന്ധിച്ച എട്ടാമത്തെ ജാഗ്രതാ നിർദേശം പുറപ്പെടുവിച്ചത്.(India travel advisory Iran, India issues emergency travel advisory for citizens in Iran due to rising regional conflict)
ഇറാനിലേക്കുള്ള യാത്രാ ഒഴിവാക്കാനും, നിലവിൽ അവിടെയുള്ള വിദ്യാർത്ഥികൾ, വ്യാപാരികൾ, വിനോദസഞ്ചാരികൾ, തീർത്ഥാടകർ എന്നിവരടക്കമുള്ള മുഴുവൻ ഇന്ത്യക്കാരോടും ലഭ്യമായ ഗതാഗത മാർഗങ്ങൾ ഉപയോഗിച്ച് ഉടൻ തന്നെ രാജ്യം വിടാനും എംബസി അറിയിച്ചു. ഇസ്രായേൽ സൈന്യം ഇറാനിലെ മധ്യ-പടിഞ്ഞാറൻ മേഖലകളിൽ നടത്തിയ വ്യോമാക്രമണത്തിന് പിന്നാലെയാണ് സുരക്ഷാ ആശങ്കകൾ വർധിച്ചത്. ഇറാൻ നടത്തിയ മിസൈൽ ആക്രമണങ്ങൾക്ക് മറുപടിയായാണ് ഇസ്രായേലിന്റെ ഈ നടപടി.
ഈ സംഭവവികാസങ്ങൾ മേഖലയെ കൂടുതൽ വലിയൊരു യുദ്ധത്തിലേക്ക് നയിക്കുമോ എന്ന ആശങ്ക ശക്തമാണ്.നേരത്തെ ഏപ്രിൽ മാസത്തിൽ വെടിനിർത്തൽ പ്രഖ്യാപിച്ച സമയത്ത് നാട്ടിലേക്ക് മടങ്ങാൻ ഇന്ത്യക്കാർക്ക് നിർദേശം നൽകിയിരുന്നു. ഏകദേശം 9,000 ഇന്ത്യക്കാരാണ് ഫെബ്രുവരിയിൽ സംഘർഷം തുടങ്ങിയ സമയത്ത് ഇറാനിലുണ്ടായിരുന്നത്. ഇതിൽ ഏകദേശം 1,800 പേർ ഇതിനോടകം ഇന്ത്യയിൽ തിരിച്ചെത്തിയിട്ടുണ്ട്. ബാക്കിയുള്ള 7,500 പേരോടാണ് ഇപ്പോൾ സുരക്ഷിതമായി നാട്ടിലേക്ക് മടങ്ങാൻ എംബസി ആവശ്യപ്പെട്ടിരിക്കുന്നത്.
Story Summary
India on Monday reiterated its advisory asking nationals to avoid travel to Iran and urged those currently in the country to leave at the earliest using available means of transport amid renewed hostilities in the region.
