പുരുഷന്മാരിലെ ടെസ്റ്റോസ്റ്റിറോൺ (Testosterone) അളവ് കൂടുതലായതിനാൽ അവരുടെ ചർമ്മം കൂടുതൽ കട്ടിയുള്ളതും എണ്ണമയമുള്ളതുമാണ്. അതിനാൽ തന്നെ കൃത്യമായ ഒരു ശീലം പിന്തുടരുന്നത് മുഖക്കുരു, ഷേവിംഗ് മൂലമുള്ള അസ്വസ്ഥതകൾ എന്നിവ കുറയ്ക്കാൻ സഹായിക്കും. ( Simple Skincare Routine For Men)
പുരുഷന്മാർക്കായുള്ള ഡെയ്ലി സ്കിൻകെയർ റുട്ടീൻ:
ക്ലെൻസിംഗ് : ദിവസവും രണ്ട് തവണ വീര്യം കുറഞ്ഞ ഫേസ് വാഷ് ഉപയോഗിച്ച് മുഖം കഴുകുക. ഇത് ചർമ്മത്തിലെ അഴുക്കും എണ്ണമയവും നീക്കം ചെയ്യാൻ സഹായിക്കും. എണ്ണമയമുള്ള ചർമ്മത്തിന് സാലിസിലിക് ആസിഡ് അടങ്ങിയ ഫേസ് വാഷും വരണ്ട ചർമ്മത്തിന് സെറാമൈഡുകൾ അടങ്ങിയ ക്രീം ബേസ്ഡ് ക്ലെൻസറുകളും ഉപയോഗിക്കാം.
എക്സ്ഫോളിയേറ്റിംഗ് : ആഴ്ചയിൽ ഒരിക്കൽ മൃദുവായ സ്ക്രബ് ഉപയോഗിച്ച് ചർമ്മത്തിലെ മൃതകോശങ്ങൾ നീക്കം ചെയ്യുക. ഇത് സുഷിരങ്ങൾ അടയുന്നത് തടയുകയും മുഖക്കുരു കുറയ്ക്കുകയും ചെയ്യും. എന്നാൽ അമിതമായി ഉരയ്ക്കരുത്.
ടോണിംഗ് : മുഖം കഴുകിയ ശേഷം ഒരു ടോണർ ഉപയോഗിക്കുന്നത് ചർമ്മത്തിന്റെ pH നില നിലനിർത്താൻ സഹായിക്കും. മദ്യാംശം (Alcohol-free) ഇല്ലാത്ത ടോണറുകൾ തിരഞ്ഞെടുക്കാൻ ശ്രദ്ധിക്കുക.
മോയ്സ്ചറൈസിംഗ് : ചർമ്മത്തിന്റെ നനവ് നിലനിർത്താൻ മോയ്സ്ചറൈസർ അത്യാവശ്യമാണ്. എണ്ണമയമുള്ള ചർമ്മമാണെങ്കിൽ ജെൽ രൂപത്തിലുള്ളതും വരണ്ട ചർമ്മമാണെങ്കിൽ ക്രീം രൂപത്തിലുള്ളതുമായ മോയ്സ്ചറൈസർ ഉപയോഗിക്കുക.
സംരക്ഷണം: ഏറ്റവും പ്രധാനപ്പെട്ട ഘട്ടമാണിത്. വെയിലത്ത് പോകുമ്പോൾ കുറഞ്ഞത് SPF 35 എങ്കിലും ഉള്ള സൺസ്ക്രീൻ പുരട്ടുക. ഇത് സൂര്യപ്രകാശം മൂലമുള്ള കരുവാളിപ്പും പ്രായമാകൽ ലക്ഷണങ്ങളും തടയും.
മറ്റ് പ്രധാന ടിപ്പുകൾ:
- ഷേവ് ചെയ്യുന്നതിന് മുൻപ് മുഖം ക്ലെൻസ് ചെയ്യുന്നത് രോമങ്ങൾ മൃദുവാകാനും മുറിവുകൾ ഒഴിവാക്കാനും സഹായിക്കും.
- ധാരാളം വെള്ളം കുടിക്കുകയും പഴവർഗ്ഗങ്ങൾ ഭക്ഷണത്തിൽ ഉൾപ്പെടുത്തുകയും ചെയ്യുക.
- ആവശ്യത്തിന് ഉറക്കം ഉറപ്പാക്കുന്നത് ചർമ്മം പുനരുജ്ജീവിപ്പിക്കാൻ സഹായിക്കും.
