ഹൈദരാബാദ്: തെലുങ്ക് താരം ശർവാനന്ദിന്റെ വ്യക്തിജീവിതത്തെക്കുറിച്ച് പുറത്തുവരുന്ന വാർത്തകൾ ആരാധകരെ ആശങ്കയിലാഴ്ത്തുന്നു (Sharwanand Divorce News). 2023 ജൂണിൽ ജയ്പൂരിൽ വെച്ച് പ്രൗഢഗംഭീരമായ ചടങ്ങിലായിരുന്നു ശർവാനന്ദും ഐടി പ്രൊഫഷണലായ രക്ഷിത റെഡ്ഡിയും വിവാഹിതരായത്. 2024 മാർച്ചിൽ ഇവർക്ക് ലീല ദേവി മൈനേനി എന്ന പെൺകുഞ്ഞ് ജനിച്ചിരുന്നു.
ഇതിനിടെ , ശർവാനന്ദിന്റെ ഇൻസ്റ്റാഗ്രാം പേജിൽ നിന്ന് വിവാഹത്തിന്റെ ഹൈലൈറ്റുകളും ഭാര്യയ്ക്കും മകൾക്കുമൊപ്പമുള്ള പ്രധാന ചിത്രങ്ങളും അപ്രത്യക്ഷമായത് ആരാധകർ ശ്രദ്ധിച്ചു. ഇതോടെയാണ് ഇരുവരും തമ്മിൽ വേർപിരിയുകയാണോ എന്ന ചോദ്യം ഉയർന്നത്.കഴിഞ്ഞ വർഷവും ഇത്തരത്തിൽ ഇരുവരും തമ്മിൽ അഭിപ്രായവ്യത്യാസങ്ങളുണ്ടെന്ന വാർത്തകൾ വന്നിരുന്നെങ്കിലും അന്ന് ശർവാനന്ദിന്റെ ടീം അത് നിഷേധിച്ചിരുന്നു. എന്നാൽ ഇത്തവണ ചിത്രങ്ങൾ നീക്കം ചെയ്തതിനോട് താരം ഇതുവരെ പ്രതികരിച്ചിട്ടില്ല.
താരത്തിന്റെ പുതിയ പോസ്റ്റുകൾക്ക് താഴെ “വിവാഹമോചനം കഴിഞ്ഞോ?” തുടങ്ങിയ ചോദ്യങ്ങളുമായി നിരവധി പേർ എത്തുന്നുണ്ട്. എന്നാൽ ഔദ്യോഗികമായ സ്ഥിരീകരണം ഇതുവരെ ലഭ്യമായിട്ടില്ല.
വ്യക്തിജീവിതത്തിലെ വാർത്തകൾക്കിടയിലും ശർവാനന്ദിന്റെ സിനിമാ കരിയർ മികച്ച നിലയിലാണ്. 2026-ൽ പുറത്തിറങ്ങിയ സ്പോർട്സ് ആക്ഷൻ ചിത്രം ‘ബൈക്കർ’ (Biker) വലിയ വിജയമാണ് നേടിയത്. മോട്ടോക്രോസ് റേസിംഗിനെ ആസ്പദമാക്കി ഒരുക്കിയ ഈ ചിത്രം ബോക്സ് ഓഫീസിൽ 40 കോടിയിലധികം കളക്ഷൻ നേടി തിളങ്ങി നിൽക്കുകയാണ്. ചിത്രം മെയ് ഒന്നിന് നെറ്റ്ഫ്ലിക്സിൽ സ്ട്രീമിംഗ് ആരംഭിക്കുമെന്നും റിപ്പോർട്ടുകളുണ്ട്.
Story Summary: Telugu actor Sharwanand has sparked divorce rumors after deleting wedding and family photos from his Instagram account. While neither Sharwanand nor his wife Rakshita Reddy has officially confirmed the split, fans are concerned following similar unconfirmed reports last year. Professionally, the actor is enjoying the success of his 2026 blockbuster ‘Biker’.
