ഹൈദരാബാദ്: സോഷ്യൽ മീഡിയയിൽ തന്നെ അധിക്ഷേപിക്കാൻ ശ്രമിച്ച വ്യക്തിക്ക് മാന്യവും എന്നാൽ ശക്തവുമായ ഭാഷയിൽ മറുപടി നൽകി നടി സീരത്ത് കപൂർ (Seerat Kapoor Allu Arjun Property Troll). അല്ലു അർജുന്റെ പിറന്നാൾ ദിനത്തിൽ താരത്തിനൊപ്പമുള്ള ചിത്രങ്ങൾ പങ്കുവെച്ചതിന് പിന്നാലെയാണ് താരത്തെ അപമാനിക്കുന്ന തരത്തിലുള്ള കമന്റ് ഇൻസ്റ്റാഗ്രാമിൽ പ്രത്യക്ഷപ്പെട്ടത്.
സീരത്ത് പങ്കുവെച്ച ഒരു ചിത്രത്തിന് താഴെ “അല്ലു അർജുന്റെ സ്വത്ത്” (Allu Arjun property) എന്നായിരുന്നു ഒരാൾ കമന്റ് ചെയ്തത്. ഇതിനൊപ്പം ഒരു ഹൃദയ ചിഹ്നവും ഇയാൾ ചേർത്തിരുന്നു.
“ഒരു ഹൃദയ ചിഹ്നം (Heart Emoji) ചേർത്തതുകൊണ്ട് മാത്രം നിങ്ങൾ പറഞ്ഞത് മര്യാദയുള്ള ഒന്നായി മാറില്ല സർ. ഒരു സ്ത്രീ ഒരിക്കലും ആരുടെയും സ്വത്തല്ല. അവൾക്ക് സ്വന്തമായ വ്യക്തിത്വവും സ്വപ്നങ്ങളും ശബ്ദവുമുണ്ട്. ഉടമസ്ഥാവകാശത്തോടെയല്ല, അന്തസ്സോടെ ബഹുമാനിക്കാൻ പഠിക്കൂ,” എന്ന് സീരത്ത് മറുപടി നൽകി.
നടിയുടെ പക്വതയാർന്ന മറുപടിയെ അഭിനന്ദിച്ച് നിരവധി പേർ രംഗത്തെത്തി. സ്ത്രീകളെ വെറും വസ്തുക്കളായി കാണുന്ന മനോഭാവത്തിനെതിരെ സീരത്ത് നടത്തിയ പ്രതികരണം സോഷ്യൽ മീഡിയയിൽ വൈറലായി.അല്ലു അർജുന്റെ 44-ാം ജന്മദിനത്തിൽ അദ്ദേഹത്തിന്റെ സ്വകാര്യ ജെറ്റിൽ നിന്നുള്ള ചിത്രങ്ങൾ സീരത്ത് പങ്കുവെച്ചിരുന്നു. ഇരുവരും അടുത്ത സുഹൃത്തുക്കളാണെന്ന കാര്യം പലർക്കും പുതിയ അറിവായിരുന്നു.
News Summary: Telugu actress Seerat Kapoor has hit back at a troll who referred to her as “Allu Arjun’s property” on Instagram. The comment appeared after Seerat shared pictures with the superstar from his private jet on his birthday. Firmly shutting down the misogynistic remark, Seerat responded that adding a heart emoji does not make a disrespectful comment respectful. She emphasized that a woman is never anyone’s property and has her own identity, dreams, and voice, urging the user to admire with dignity rather than a sense of ownership. Her dignified response has won praise across social media.
