കൊച്ചി: കോളേജ് പഠനകാലത്ത് ഏറെ ആഗ്രഹിച്ചിട്ടും കൈപ്പിടിയിലൊതുങ്ങാതെ പോയ ഐഐഎം പ്രവേശനം വർഷങ്ങൾക്കിപ്പുറം നേടിയെടുത്തതിന്റെ ആവേശത്തിലാണ് ദീപ്തി ജനാർദ്ദനൻ (Neeraj Madhav Wife Deepti Janardhanan IIM). തന്റെ ഇൻസ്റ്റാഗ്രാം പോസ്റ്റിലൂടെയാണ് ഈ വൈകാരികമായ യാത്രയെക്കുറിച്ച് താരം പങ്കുവെച്ചത്.
കോളേജ് കാലത്ത് ‘ക്യാറ്റ്’ (CAT) പരീക്ഷ വിജയിക്കാൻ സാധിക്കാതെ വന്നതോടെ ആ സ്വപ്നം ഉപേക്ഷിച്ചിരുന്നു. പിന്നീട് ജോലിയും തിരക്കുകളുമായി ഒരു ‘കംഫർട്ട് സോണിലേക്ക്’ ഒതുങ്ങിപ്പോയി. ഉപേക്ഷിച്ചു എന്ന് കരുതിയെങ്കിലും ആ സ്വപ്നം ഉള്ളിലുണ്ടായിരുന്നു. സുരക്ഷിതമായ സാഹചര്യങ്ങളിൽ നിന്ന് പുറത്തുകടന്ന് വീണ്ടും പഠിച്ചു തുടങ്ങുക എന്നത് എളുപ്പമായിരുന്നില്ല. ഐഐഎമ്മിൽ എത്തിയപ്പോൾ പുതിയ ഒരിടത്ത് എത്തിയ പോലെയല്ല, മറിച്ച് പണ്ട് എവിടെയോ നഷ്ടപ്പെട്ടുപോയ തന്റെ തന്നെ ഒരു പതിപ്പിലേക്ക് തിരികെ എത്തിയതായാണ് തോന്നുന്നതെന്ന് ദീപ്തി പറയുന്നു.
View this post on Instagram
ചില സ്വപ്നങ്ങൾക്ക് സമയമെടുക്കും. പക്ഷേ, വളഞ്ഞ വഴികൾ താണ്ടി ലക്ഷ്യത്തിലെത്തുന്നതിൽ തെറ്റില്ലെന്ന് ദീപ്തി ഓർമ്മിപ്പിക്കുന്നു.
ആശംസകളുമായി താരങ്ങൾ: ദീപ്തിയുടെ ഈ നേട്ടത്തിൽ അഭിമാനമുണ്ടെന്ന് നീരജ് മാധവ് കമന്റ് ചെയ്തു. മഞ്ജു വാര്യർ ഉൾപ്പെടെയുള്ള പ്രമുഖർ ദീപ്തിക്ക് ആശംസകളുമായി എത്തിയിട്ടുണ്ട്. സ്വപ്നങ്ങൾ പിന്തുടരാൻ ആഗ്രഹിക്കുന്ന ഏതൊരാൾക്കും പ്രചോദനമാണ് ദീപ്തിയുടെ ഈ കുറിപ്പ്.
Story Summary: Deepti Janardhanan, wife of actor Neeraj Madhav, shared an inspiring note about achieving her dream of getting into an IIM (Indian Institute of Management) years after failing the CAT exam during college. She reflected on how she moved into a comfort zone of work and responsibilities but eventually decided to pursue her long-lost dream. Her post, which emphasizes that it’s never too late for dreams, received widespread appreciation from celebrities like Manju Warrier and her husband Neeraj Madhav.
