കൊച്ചി: മലയാള സിനിമയിൽ സ്വതസിദ്ധമായ ഹാസ്യ ശൈലി കൊണ്ടും ശക്തമായ ക്യാരക്ടർ റോളുകൾ കൊണ്ടും പ്രേക്ഷകരെ വിസ്മയിപ്പിച്ച നടിയാണ് ബിന്ദു പണിക്കർ (Kalyani Panicker interview Movie Man Broadcasting). അമ്മയുടെ അതേ സിനിമാ പാത പിന്തുടർന്ന് അടുത്തിടെ പുറത്തിറങ്ങിയ ‘മധുവിധു’ എന്ന ചിത്രത്തിലൂടെ മകൾ കല്യാണി പണിക്കരും മലയാള സിനിമയിൽ അരങ്ങേറ്റം കുറിച്ചുകഴിഞ്ഞു. ഇപ്പോഴിതാ, അമ്മ ചെയ്തതിൽ തനിക്ക് ഏറ്റവും പ്രിയപ്പെട്ട കഥാപാത്രത്തെക്കുറിച്ചും അതിന് പിന്നിലെ ഒരു വൈകാരികമായ ഓർമ്മയെക്കുറിച്ചും തുറന്നുപറയുകയാണ് താരം. ‘മൂവി മാൻ ബ്രോഡ്കാസ്റ്റിംഗിന്’ നൽകിയ പ്രത്യേക അഭിമുഖത്തിലാണ് കല്യാണി പണിക്കർ തന്റെ മനസ്സ് തുറന്നത്.
ലോഹിതദാസിന്റെ സംവിധാനത്തിൽ പുറത്തിറങ്ങിയ എക്കാലത്തെയും ക്ലാസിക് ചിത്രമായ ‘ജോക്കറി’ലെ സുശീല എന്ന അമ്മയുടെ കഥാപാത്രത്തെക്കുറിച്ചാണ് കല്യാണി വികാരാധീനയായത്. “അമ്മ ചെയ്ത ജോക്കറിലെ സുശീല എന്ന കഥാപാത്രം പോലൊരു ക്യാരക്ടർ ചെയ്യണമെന്ന് എനിക്ക് വളരെയധികം ആഗ്രഹമുണ്ട്. ഞാൻ എന്തിനാണ് ആ സിനിമയെ ഇത്രയും പ്രമോട്ട് ചെയ്യുന്നതെന്ന് എനിക്കറിയില്ല. ആ പടത്തിൽ അമ്മ വാഴക്കുല ഒക്കെ വെട്ടി ബാക്കിൽവെച്ച് വരുന്ന ഒരു സീനുണ്ട്. ആ സീനിൽ അമ്മയുടെ മുഖത്തു വരുന്ന എക്സ്പ്രഷനാണ് എന്നെ ശരിക്കും ഞെട്ടിച്ചത്. ഉള്ളിലുള്ള വലിയ വിഷമങ്ങളെല്ലാം ഉള്ളിലൊതുക്കി, പുറത്തേക്ക് അതിനെ ഹ്യൂമറാക്കി മാറ്റിയിരിക്കുകയാണ് ആ സീനിൽ നമുക്ക് കാണാൻ കഴിയുന്നത്,” കല്യാണി പറഞ്ഞു.
ഉള്ളിലെ ആ കടുത്ത വേദന പുറത്തു കാണിക്കാതെ അഭിനയിക്കുക എന്നു പറയുന്നതൊക്കെ തനിക്ക് ഇപ്പോൾ ചിന്തിക്കാൻ കൂടി കഴിയാത്ത കാര്യമാണെന്ന് കല്യാണി വ്യക്തമാക്കുന്നു. “അങ്ങനെയൊരു അമ്മയുടെ മകളായതിൽ ഞാൻ ഒരുപാട് അഭിമാനിക്കുന്നു. മറ്റൊരു പ്രധാന കാര്യം, ആ സിനിമ ഷൂട്ട് ചെയ്യുമ്പോൾ ഞാൻ അമ്മയുടെ വയറ്റിലുണ്ട് എന്നതാണ്. ആ സമയത്ത് അമ്മ എന്നെ ആറ് മാസം ഗർഭിണിയായിരുന്നു. അതു കൊണ്ടുകൂടിയാണോ എന്ന് എനിക്കറിയില്ല, ആ സിനിമയോട് എനിക്ക് ഭയങ്കരമായ ഒരു ഇഷ്ടമുണ്ട്,” താരം കൂട്ടിച്ചേർത്തു.
ഷറഫുദീനെ നായകനാക്കി വിഷ്ണു അരവിന്ദ് സംവിധാനം ചെയ്ത ചിത്രമാണ് ‘മധുവിധു’. തിയേറ്ററുകളിൽ മികച്ച വിജയം നേടിയ ഈ ഫാമിലി കോമഡി എന്റർടൈനറിലൂടെ നായികയായാണ് കല്യാണി പണിക്കരുടെ അരങ്ങേറ്റം. ജഗദീഷ്, അസീസ് നെടുമങ്ങാട്, സായ്കുമാർ എന്നിവർക്കൊപ്പം ബിന്ദു പണിക്കരും ഈ ചിത്രത്തിൽ ഒരു പ്രധാന വേഷത്തിൽ എത്തിയിരുന്നു. തീയേറ്റർ വിജയത്തിന് ശേഷം ചിത്രം ഒടിടിയിലും (Sony LIV) മികച്ച പ്രതികരണങ്ങളോടെ മുന്നേറുകയാണ്.
Story Summary: Kalyani Panicker, daughter of veteran actress Bindu Panicker who recently made her acting debut with the movie ‘Madhuvidhu’, shared her favorite onscreen performance of her mother in an interview with Movie Man Broadcasting. Kalyani revealed that she deeply loves Bindu Panicker’s character ‘Suseela’ in the classic movie ‘Joker’. She added an emotional note that her mother was six months pregnant with her while shooting for the film, which makes the movie incredibly special to her.
