Follow on Google News
ചെന്നൈ: ഗൗതം കാർത്തിക് നായകനായി അഭിനയിച്ച ‘മുത്തുരാമലിങ്കം’ എന്ന സിനിമയെക്കുറിച്ച് താരം മനസ്സ് തുറക്കുന്നു (Gautham Karthik Interview). അറിവില്ലായ്മ കൊണ്ടെടുത്ത തെറ്റായ തീരുമാനമായിരുന്നു ആ സിനിമയെന്നും അതോടെ മാസ് മസാല സിനിമകൾ ചെയ്യാൻ ഭയമായി എന്നും താരം പറഞ്ഞു.
“എന്റെ ഭാഗത്തുനിന്ന് സംഭവിച്ച ഏറ്റവും വലിയ തെറ്റായിരുന്നു മുത്തുരാമലിങ്കം. അറിവില്ലായ്മയുടെയും കാര്യങ്ങൾ മനസ്സിലാക്കാൻ കഴിയാത്തതിന്റെയും പ്രശ്നമായിരുന്നു അത്. എന്റെ കരിയറിലെ ഏറ്റവും വലിയ പരാജയമാണത്,” ഗൗതം പറഞ്ഞു.
ഈ സിനിമയ്ക്ക് ശേഷം മാസ് സിനിമകൾ ചെയ്യാൻ പേടിയായി. ഒരാളെ അടിക്കുമ്പോൾ പറന്നുപോകുന്ന തരം റോളുകൾ തനിക്ക് കണക്ട് ചെയ്യാൻ പറ്റുന്നില്ലെന്നും അദ്ദേഹം പറഞ്ഞു.മാസ് സിനിമകൾ ചെയ്യണമെങ്കിൽ അത് നന്നായി കൈകാര്യം ചെയ്യാൻ അറിയുന്ന സംവിധായകർക്കൊപ്പം മാത്രമേ ചെയ്യാവൂ എന്ന് ഇതിലൂടെ മനസ്സിലാക്കി. അങ്ങനെയാണ് മുത്തയ്യ സംവിധാനം ചെയ്ത ‘ദേവരാട്ടം’ എന്ന സിനിമ ചെയ്തതെന്നും അത് പ്രേക്ഷകർ സ്വീകരിച്ചുവെന്നും അദ്ദേഹം ഓർത്തെടുത്തു.
താനൊരു മാസ് ഹീറോയാണെന്ന് കരുതുന്നില്ലെന്നും മറിച്ച് ഒരു നടനായിട്ടാണ് സ്വയം കാണുന്നതെന്നും അദ്ദേഹം വ്യക്തമാക്കി. റിയലിസ്റ്റിക് അല്ലെങ്കിൽ പൂർണ്ണമായും ഫാന്റസി സിനിമകളാണ് തനിക്ക് കൂടുതൽ കംഫർട്ടബിൾ.
രാജദുരൈ സംവിധാനം ചെയ്ത മുത്തുരാമലിങ്കത്തിൽ പ്രിയ ആനന്ദായിരുന്നു നായിക. ഈ പരാജയത്തിന് ശേഷം തന്റെ കരിയറിൽ വ്യത്യസ്തമായ ജോണറുകൾ പരീക്ഷിക്കാനാണ് ഗൗതം ശ്രമിക്കുന്നത്.
Story Summary: Actor Gautham Karthik opened up about the failure of his 2017 film ‘Muthuramalingam’, calling it the biggest mistake of his career. He admitted that the film made him afraid of the mass-masala genre and shifted his focus to realistic and fantasy-based roles.
